Навечер: „Не сум уморееееен/уморнаааа!“ и нема шанса да успиете дете кое одлучило дека сè уште не сака да спие. Но наутро, кога ќе се обидете да го разбудите истото дете, тоа ви раскажува сосема друга приказна и она „не сум уморен“ одеднаш се претвора во „Толку сум уморен!“ и не е најлесната работа на светот да го разбудиш тоа дете и да го однесете во градинка и на работа.
На децата им е потребен одреден број часови сон и ако тоа не го добиваат редовно, тоа не е добро за најмалите – а ниту за родителите. Освен што во текот на спиењето се лачи хормонот за раст, тогаш во организмот на детето се случуваат и многу други клучни работи.
Сонот е важен за:
- Помнење
- Учење
- Емоционална регулација
- Имунитет
Лекарите истакнуваат дека недостатокот на сон може да има влијание врз три важни аспекти, односно постојат три групи на штетни ефекти од недостатокот на сон: емоционални, бихејвиорални и физички.
Емоционално
Емоционалната категорија вклучува промени во расположението. Иако фактот дека детето е мрзоволно наутро не е нужно причина за загриженост, можно е коренот да е во основните проблеми со менталното здравје или да полека придонесува за нивно создавање.
Недоволното спиење може да создаде потешкотии во регулирањето на емоциите, што може го направи поединецот поподложен на депресија, а секако и на анксиозност.
Бихевиорално
Недостатокот на сон понекогаш може да ги имитира симптомите на АДХД, хиперактивност и дефицит на внимание. Доколку кај детето се забележат вакви проблеми во однесувањето, како што се проблеми поврзани со училиштето или успехот, секогаш е најдобро прво да се провери дали детето спие доволно.
Физички
Покрај фактот дека долгорочните недоволни циклуси на спиење потенцијално влијаат на целокупниот раст, експертите веруваат дека децата кои не се одмараат доволно имаат поголем ризик од обезност.
Имено, кога телото е лишено од сон, доаѓа до нерамнотежа на хормоните на телесната тежина.
Знаци дека детето не спие доволно
Покрај прозевањето и „влечењето“ на пат кон училиште, постојаниот замор – што многу лесно може да се препознае, постојат и работи на кои треба да се обрне посебно внимание:
- Импулсивни дејства
- Честа нерасположеност во текот на денот
- Ниско ниво на енергија
- Намалени социјални вештини
- Детето има тешкотии да заспие или често се буди
- Потреба од повеќе кратки дремки (ако детето е постаро од пет години)
- Лош успех во училиште
