Познато е дека во последните месеци од бременоста, трудницата треба да спие на страна. Во тој период е невозможно да се спие на стомак, а не е добро ниту да се спие на грб, оти таквата положба може да создаде притисок на матката врз крвните садови, ограничувајќи го протокот на крв во срцето и кај бебето. Но, дури сега е направено истражување кое следело што му се случува на бебето кога жената во бременоста спие на грб, во текот на ноќта.
Научници од Универзитетот Оукланд користеле инфрацрвени видеокамери како би ги снимиле бремените жени при спиењето, и при тоа го следеле бројот на отчукувања на срцето и на мајката и на бебето. Секоја од 30. трудници кои учествувале во истражувањето, биле помеѓу 34 и 38 недела од бременоста и секоја бременост била без компликации.
На основа на она што веќе се знае за ограничениот проток на крвта додека се спие на грб, не е изненадувачки што фетусот е помалку активен кога мајката е во таа положба. Изненадувачки е колку свртувањето на мајката на грб брзо влијае на бебето, штом мајката ја променила положбата од страна на грб, нејзиното бебе веднаш станувало помалку активно. Се ова, истакнале истражувачите, звучи многу пострашно, од што навистина е. Нормално е да се менува положбата за време на спиењето и ако се разбудите на грб, не паничарете. Спиењето на страна треба да се вежба, а може и да се користи перница.
