Неретко се случува родителите на нивните деца со неполна година да им ги дупнат ушите, бидејќи сметаат дека со тоа ќе изгледаат поубаво. Голем дел од нив одат до најблиската златара, да го направат тоа со т.н. пиштол за дупнување на уши, кој што би требало да биде стерилизиран. Мешутоа, педијатрите советуваат да на се брза со таковото украсување, бидејќи не е воопшто безопасно. Повредата на увото со обетка и инфекциите што може да се појават по неадекватно дупнување и одржувањето на раните после тоа, се и повеќе од доволна причина зошто на бебињата не треба да им се дупнуваат ушите.
Внимателно со обетките
Родителите кои сепак ќе одлучат на нивното девојче да и ги дупнат ушите, мора пред се да се распрашаат кој тоа проверено го прави и како, бидејќи е важно се да биде стерилизирано, за во старт да се отфрли можноста за појава на инфекција. Ова го истакнува д-р Наталија Лазовиќ, педијатар, објаснувајќи до која мера обетките може да бидат штетни за малите деца.
“Не се согласувам со тоа да на мали деца им се дупнуваат ушите, а сум имала можности да видам бебе од два месеци со големи, кругови обетки!? Треба да се истакне дека секој убод за детето е трауматичен, па и тој. Вистина, кај бебињата помнењето е краткотрајно и тие тоа брзо го забораваат, но дали нешто останува во нивната потсвест, тоа никој не знае. Од друга страна, бебето во текот на спиењето се врти, мрда, може да се случи обетката да се закачи за креветот, на оградата од креветчето или едноставно да ја повлече со раката. Тогаш може да се повреди и да се искине ресичката. Тоа може да се случи и при играње со други деца. Затоа треба да се биде многу внимателен“, потенцира педијатарката.
Црвенило и оток – знак треба да се отиде на лекар
Доколку родителот забележи дека неговото дете на дупнатото уво има црвенило или оток, дека чувствува болка – совет е да се извади обетката и веднаш да се јави кај педијатар. Бидејќи, тоа е знак дека дошло до инфекција.
“Инфекцијата се јавува затоа што при дупнување на ушите опремата не била стерилизирана или затоа што раната не е одржувана на правилен начин. Односно, треба секојдневно да се следи местото каде што е дупнато увото и полека да се врти обетката, за да не зарасне. Доколку се појави мало црвенило, тоа треба да се пребрише со препарат за таа намена“, вели д-р Лазовиќ.
Ако црвенилото се пропири и дојде до оток, тогаш задолжително треба да се однесе детето на лекар, бидејќи тоа воопшто не е безопасна ситуација, со оглед дека се работи за подрачје на главата. Во случај да се задоцни со интервенција, може да дојде до компликации. Доколку инфекцијата се прошири на ушната школка, тогаш може да оди и подлабоко, низ целиот ушен канал и внатрешното уво, а може дури да предизвика и возпаление на мозочната обвивка. Сепак, тоа ретко се случува, бидејќи во најголем број случаи, кога родителот ќе забележи црвенило или оток, веднаш реагира.
Алергија на никел
Постои можност детето да има алергиска реакција по дупнувањето на ушите, што создава дополнителен проблем. Алергијата се јавува во форма на осип или оток, кога е неопходно да се контактира педијатар, а обетката претходно да се отстрани.
За да се избегне оваа ситуација, родителите прво треба да се уверат дали деловите од обетката што ги допираат ушите се направени од хируршки челик или четиринаесет каратно злато. Докторката истакнува дека алергиите најчесто се јавуваат кога во обетките има никел. Затоа се советува првите обетки да бидат направени од некој благороден метал – злато или сребро.
“Девојчињата обетки би требало да носат со навршени три или четири години, а не порано. „Тогаш се ‘позрели’ и можат сами да се грижат да не се повредат“, смета д-р Лазовиќ.
