Просечно првиот заб расте помеѓу петиот и осмиот месец, најчесто во шестиот. Први избиваат дваете долни единици, а потоа горните, па двојките на горната вилица, па на долната.
Околу деветиот месец почнуваат да никнуваат страничните секачи, а по нив и горните. Долните четворки избиваат на 12 месечна возраст, а потоа и горните четворки. Следи избивање на долните, па горните очници, помеѓу 17 и 19 месеци. Последни се катниците. Главно, детето до навршување на втората година од животот, треба да ги има сите 20 млечни заби.
Никнување надвор од распоредот
Бебето наполнило осум месеци, а првите запчиња не никнале? Немојте да паничите, бидејќи на доцнењето може да влијаат неколку фактори. Предвременото раѓање, пониска тежина од очекуваната или е во прашање семејна карактеристика. Забите понекогаш може да се појават и порано, а и во овој случај причина е генетската предиспозиција. Доколку се јават големи отстапки од вообичаениот распоред, побарајте лекарски совет.
Зголемена температура
Иако зголемената температура може да го следи никнувањето на запчиња, тоа не е правило. Ако непцата на местата каде никнуваат забите се отечени, а детето обилно се лигави, ги става прстите и други работи во уста, покачената температура најверојатно е последица на избивањето заби.
ПОМОШ
Постојат гелови и течности за смирување на воспалението на непцата кај бебињата. Но, поважно е да ја удоволите потребата на детето за грицкање и пипкање на болните непца, така што ќе му дадете да гризе гумени играчки исполнети со вода или гел, кои претходно ќе ги оладите. Нема ништо страшно детето да ги става и рацете во уста, ако така му е полесно, само внимавајте на нивната хигиена.
