Можете да придонесете за зајакнување на имуниот систем со примена на неколку стручни совети и со тоа да обезбедите заштита од разни микроби кои негативно влијаат на здравјето на детето.
Внес на течности
Погрижете се вашето дете да консумира доволно количество течност во неговата дневна исхрана во форма на природни овошни сокови богати со витамини, вода или млеко. Она што треба да го избегнувате се пијалаци со висока содржина на вештачки засладувачи или шеќер и газирани пијалоци. Консумирањето шеќер ја намалува функцијата и бројот на белите крвни зрнца кои помагаат во борбата против разни инфекции и на тој начин ја зголемуваат ефикасноста на имунолошкиот систем. Следниот пат кога вашето дете ќе ве моли за повеќе чоколадо, размислете двапати. Шеќерот е одговорен и за други болести, вклучувајќи проблеми со срцето и дијабетес, па наместо производи со висока содржина на шеќер, понудете му на вашето дете овошен јогурт или овошје. На овој начин ќе придонесете за зајакнување на имунитетот и одбрана од разни инфекции.
Незаситени масни киселини
На телото на детето му треба одредена количина на незаситени масни киселини за да остане здраво. Тие делуваат на зајакнување на имунитетот преку зголемување на активноста на белите крвни зрнца, а дополнително го штитат организмот при реакција на инфекција. Лососот и туната се риби кои природно се богати со омега-3 масни киселини, а покрај нив, лененото масло е богато и со омега-3 киселини и може да се додаде во овесна каша или житарки. Есенцијалните масни киселини се присутни и во јаткастите плодови како што се ф’стаците, лешниците или оревите. Децата кои консумираат половина чаша ленено масло дневно имаат многу поблаги респираторни инфекции од другите.
Природни препарати
Постојат и природни препарати кои можат да помогнат во зајакнувањето на имунолошкиот систем на детето. Рекреацијата е исто така пожелна уште од мали нозе бидејќи може многу да придонесе за зајакнување на имунитетот. Умерената физичка активност го поттикнува создавањето на бели зрнца, а престојот на свеж воздух е најдобар начин за зајакнување на имунитетот на детето.
Сон
Доволното спиење влијае на физичкиот и менталниот развој на детето, а соодветното количество сон помага и за одржување на здравјето и одбрана од инфекции. Лошиот сон може да ја намали отпорноста на организмот и да ја зголеми појавата на инфекции.
Урамнотежена исхрана
Здравиот и силен имунолошки систем се обезбедува со урамнотежена исхрана, а нутритивните недостатоци ја зголемуваат чувствителноста на бактерии и вируси, поради што се препорачува во секојдневната исхрана да се вклучат свеж зеленчук и овошје, семки, цели зрна, јаткасти плодови и грав. Храна која придонесува за зајакнување на имунитетот се јагоди, папаја, боровинки, манго, лук, домати, слатки компири, моркови, тиквички, лимони, банани, дињи, кајсии, грејпфрут, кромид, брокула, спанаќ, кељ и мешунки. Сите овие намирници содржат високо ниво на минерали, антиоксиданти, витамини и ензими кои го зајакнуваат имунитетот. Се препорачува и консумирање на жолт зеленчук бидејќи содржи каротеноиди кои се природна супстанца за поттикнување на работата на имуниот систем и производство на бели крвни зрнца. На пазарот има и разни пробиотици наменети за деца, а тие го зајакнуваат имунитетот помагајќи да се врати рамнотежата помеѓу лошите и добрите бактерии и да се подобри или зголеми фагоцитозата, која белите крвни зрнца ја користат за да ги онеспособат бактериите.
