Кај АДХД синдром, т.е. нарушување на вниманието и хиперактивност, важно е симптомите рано да се препознаат. Благодарение на ова, детето може да ја добие потребната помош во најкус можен рок, но како родителите да препознаат дека нивното дете го има ова нарушување? Експертите истакнуваат однесувања што може да укажуваат на тоа.
Марк Махон, експерт од Институтот Кенеди Кригер во Балтимор, вели дека „истражувањата покажуваат дека кај децата со АДХД мозокот не се развива нормално, што значи дека овој синдром има биолошка основа, поради што е присутен во текот на целиот живот“. Експертот истакнува дека раното откривање на нарушувањата на вниманието и хиперактивноста има големо влијание врз учењето и академскиот развој на детето.
АДХД е најчестото нарушување кое се дијагностицира кај децата од предучилишна возраст, а Махон открива на кое однесување на децата треба да внимаваат родителите.
Проблеми со концентрацијата
Махон ги повикува родителите внимателно да го следат своето дете и да утврдат дали, на пример, одбива да прави активности кои бараат концентрација или ги избегнува ако траат подолго од неколку минути.
Друг знак може да биде брзо губење на интерес и скокање од една активност на друга.
Физички симптоми
Набљудувајќи го однесувањето на децата со АДХД синдром, утврдено е дека тие не можат да скокаат на една нога до четиригодишна возраст. Тие се неуморни, односно исклучително активни, не можат долго да останат на едно место, често се нишаат или тапкаат со нозете, се обидуваат да се качуваат на разни предмети…
Исто така, овие малечки побрзо се спријателуваат со непознати луѓе и без страв влегуваат во некои опасни врски.
Поагресивно однесување
Понекогаш можат да покажат агресивно однесување кон своите пријатели.
„Доколку родителите ги забележат овие симптоми и се загрижени за развојот на своето дете, најдобро е да се консултираат со педијатар за понатамошните чекори“, вели експертот Махон.
Ниту едно од овие однесувања поединечно не треба да биде сигнал за тревога, но ако забележите неколку од горенаведените симптоми кај вашето дете, не е лоша идејата да се консултирате со лекар.
