Ненадејниот замор во комбинација со ненадеен пад на нивото на тромбоцити во крвта е исто така симптом на Ковид-19 во почетната фаза, додека покачената температура и отежнатото дишење се развиваат подоцна, велат експертите.
Според нивно мислење, игнорирањето на овие првични симптоми може да има фатален исход, пренесува „Business Insider“.
„Кај секоја вирусна инфекција се намалува бројот на тромбоцити. Затоа, не треба да се занемаруваат заморот и исцрпеноста. Тестирајте се за коронавирус“, вели професорот Сантош Кумар од Одделот за респираторна медицина на КГМУ.
Експертите веруваат дека игнорирањето на овие симптоми може да биде фатално
Веќе познатите симптоми на коронавирус се слични на грипот, а меѓу новите симптоми, лекарите вклучуваат дијареја, црвени очи, осип и замор.
Медицински експерти од индискиот град Лакнау велат дека имало над десетина случаи кога пациентите доживеале екстремен замор, но не се консултирале со лекарите. Кога нивната состојба се влошила, анализата на крвта покажала драстичен пад на нивото на тромбоцити. Потоа, кај пациентите би се развил проблем со дишењето и би дошло до фатален исход без употреба на кислород, се наведува.
