Поголем дел од детските болести може да се лекуваат и дома, и нема потреба за итно одење кај лекар, но одредени симптоми на болести кај децата укажуваат дека детето има потреба од итна лекарска помош.
Еве во кои ситуации, според педијатрите е потребно веднаш да се посети лекар.
“Најтешко е да се даде едноставен и за сите форми на болести, еднакво применлив совет кога да се јавите на лекар. На пример кај температурата, зависи, пред се, од возраста на детето, висината на температурата, симптомите и и општиот изглед на детето. Родителите денес најмногу се плашат од висока температура, но најважно е да се набљудува детето. Ако тоа си игра кога ќе му се намали температурата под 38 степени, има добар апетит и не изгледа болно, не е императив, првиот ден од болеста да се побара лекарска помош. Општо прифатлив совет е лекарска помош да се побара по дводневна или тридневна температура, оти првиот ден од болеста уште не се развиени симптомите, но ако детето изгледа лошо, и покрај тоа што сте му ја намалиле температурата, има силна главоболка, има осип по кожата, зачестени столици, а особено повраќа при висока температура, треба веднаш да се обратите на лекар“, потенцираат педијатрите.
АЛАРМАНТНИ СИМПТОМИ КАЈ БЕБЕ
Во случај на висока температура кај новороденче и бебе, родителите треба веднаш да се јават на лекар. Кај постари деца, поврзаноста на висока температура, осип по кожата, повраќање со болен изглед на детето, тешко дишење, силни болки во стомакот или печење при мокрење, апсолутно е знак дека треба веднаш да се отиде на лекар.
Исто тка, ако температурата ја следи вкочанетост на вратот, главоболка или осип кој изгледа како дамка (ситни црвени точки), потребно е веднаш да се отиде на лекар, оти тоа може да бидат знаци на менингитис.
Кај бебињата до една година, а особено кај оние до шест месеци, во случај на пад од висина која е поголема од висината на бебето, потребно е да се однесе детето на преглед.
Брза реакција е потребна и кај новороденче кај кое се јавила вовлечена фонтанела, се јавува често повраќање или пролив, а кожата останува збрчкана ако се штипне. Тоа се најчести знаци на дехидрација и во тој случај треба брзо да се реагира.
СИМПТОМИ КОГА ТРЕБА ИТНО ДА СЕ ПОБАРА ЛЕКАРСКА ПОМОШ
- Висока температура кај мали деца
- Тврдокорна температура кај поголеми деца (не се намалува и по давање на лек за намалување на температура)
- Температура со појава на осип
- Печење при мокрење
- Кашлица која звучи како лаење на куче
- Кашлица која трае подолго од седум дена
- Отежнато дишење (пиштење, краток здив, кркорење)
- Посинување на усните
- Силни болки во стомакот
- Дехидрација
- Отекување на јазикот или усните
- Често повраќање и чести столици
- Вкочанетост на вратот и неспособност на детето во лежечка положба да ја дигне главата нанапред.
