Ова се симптоми на коронавирус кај децата на кои треба да внимавате:
Трите класични симптоми на COVID-19: како и кај возрасните, децата можат да ги искусат трите најчести симптоми на коронавирус – висока температура, нова, континуирана кашлица и губење или промена на чувството за мирис или вкус.
Од 198 деца меѓу 16.000 лица чии податоци за симптоми биле собрани, 55 проценти чувствувале замор како најчест симптом на коронавирусот
NHS советува дека ако вашите деца имаат некој од овие симптоми треба да ги тестирате, исто како што треба да се тестирате и вие, и секој што е во вашето домаќинство, треба да останете дома и да немате посетители се додека не го добиете резултатот.
Истражувањето од апликацијата Covid Symptom Study открива дека кашлицата и губењето на вкусот и мирисот се поретки кај децата отколку кај возрасните, и дека кај децата почесто се пријавуваат други симптоми. Треската е еден класичен симптом на COVID-19, кој често се гледа кај децата, со скоро половина од случаите кај деца кои го забележаа како симптом.
Замор
Според податоците од апликацијата Covid Symptom Study, заморот е најчестиот симптом кај децата со коронавирус. Од 198 деца меѓу 16.000 лица чии податоци за симптоми биле собрани, 55 проценти чувствувале замор со коронавирусот.
Главоболките биле вториот најчест симптом најден кај децата, според апликацијата Covid Symptom Study. Од 198 случаи, 54 проценти вклучувале главоболки
Професорот Тим Спектор, од Кралскиот колеџ во Лондон, кој го водеше истражувањето, за „Гардијан“ изјави: „Треба да почнеме да им кажуваме на луѓето кои се клучните симптоми за секоја возрасна група поединечно, отколку оваа опсесија со треска, кашлица и недостаток на мирис“.
Главоболки
Главоболките беа вториот најчест симптом најден кај децата, според апликацијата Covid Symptom Study. Од 198 случаи, 54 проценти вклучувале главоболки.
Студијата во која биле вклучени речиси илјада деца на здравствени работници, објавена во Британскиот медицински журнал (BMJ), го повтори фактот дека главоболките се чести кај децата со COVID. Од 68 деца од групата кои биле позитивни на COVID, 12 (18 проценти) пријавиле главоболка.
Болки во стомакот
Истата студија во BMJ открива дека гастроинтестинални симптоми како дијареја, повраќање и грчеви во стомакот биле чести кај децата кои биле позитивни на коронавирус. Од 68 деца од студијата кои биле позитивни на COVID, 21 (31 процент) имале болки во стомакот.
И апликацијата Covid Symptom Study исто така ја поврзува дијарејата со вирусот кај децата, при што 13 проценти од 198 деца го пријавиле постоењето на овој симптом.
