Иако во почетокот владееше мислење дека сојот омикрон е поблаг од претходните соеви, се покажа дека иако е поблаг, предизвикува големи проблеми, како во однос на притисокот врз болничките капацитети, така и во однос на имунокомпромитираните лица кои ќе се заразат со него. Затоа лекарите ширум светот апелираат луѓето да се вакцинираат, заради сопствено, но и заради здравјето на своите најблиски.
Д-р Питер Чин-Хонг, специјалист за заразни болести на Универзитетот во Калифорнија, вели дека вакцинираните лица се борат пократко време со симптомите. „Додека целосно вакцинираните луѓе ги чувствуваат симптомите ден или два, невакцинираните луѓе покажуваат симптоми пет или повеќе дена“
Како што пренесува „Тајмс оф Индија“, веќе статистички се покажа дека бројот на тешки случаи на инфекции бил јасно различен во претходниот бран, бидејќи меѓу нив доминантни биле невакцинираните пациенти. Слично е и со сојот омикрон.
Медицинските извештаи ширум светот велат дека можат да се забележат и разлики во симптомите на пациентите заразени со омикрон доколку се вакцинирани и кога не се вакцинирани.
Имено, според извештаите, симптомите на сојот омикрон кај вакцинираните лица најчесто се течење на носот, главоболка, болки во зглобовите, болки во грлото. Од друга страна, невакцинираните луѓе почесто се соочуваат со отежнато дишење и краток здив.
Д-р Питер Чин-Хонг, специјалист за заразни болести на Универзитетот во Калифорнија, Сан Франциско, исто така вели и дека е докажано дека вакцинираните лица се борат пократко време со симптомите.
„Додека целосно вакцинираните луѓе ги чувствуваат симптомите ден или два, невакцинираните луѓе покажуваат симптоми пет или повеќе дена“, вели д-р Чин-Хонг.
