Недостатокот на хормон за раст не е само естетски проблем, како што најчесто се доживува, туку проблем што може да влијае врз целокупното здравје на детето. Проблемот со нарушување во растот најчесто се јавува како резултат на недостаток на хормон за раст, исклучително важен за здравјето на децата.
Ако детето не расте 4,5 сантиметри годишно или ако неговиот раст се успорува, се препорачува посета на ендокринолог
Хормонот за раст, покрај тоа што влијае на линеарниот раст на коските, има и значајна улога во метаболизмот, а неговиот недостаток може да предизвика проблеми со срцето, имунитетот, коските и белите дробови.
Ако детето не расте 4,5 сантиметри годишно или ако неговиот раст се успорува, се препорачува посета на ендокринолог. Од оваа причина, од најголема важност е да се постави дијагноза во што поран период на развој на детето, со цел со примена на соодветна терапија да се постигне посакуваната цел. Примарната здравствена заштита игра најважна улога во сето ова и токму затоа редовните систематски прегледи на децата се од огромна важност.
