Во Словенија, оние што прележале Ковид-19 во иднина ќе се вакцинираат само со една доза, што е новост во пристапот кон вакцинацијата, а е усвоено од словенечката влада.
Оние кои веќе биле заразени со новиот коронавирус, ќе добијат само една доза на вакцина затоа што прележувањето на болеста ќе им се смета како прва доза, изјави денеска Јелко Кацин, координатор за вакцинација на словенечката влада, за време на посетата на здравствените установи во Марибор.
Досега, 3.908 лица починаа во Словенија како резултат на Ковид-19, а во болниците во моментов има 485 пациенти со Ковид. До овој момент се вакцинирани 150.144 лица, од кои 63.908 со двете дози
По тој повод, тој ги презентираше податоците според кои Словенија во март ќе добие 282.819 дози вакцини, од кои најмногу, 153.369 дози од вакцина АстраЗенека, која ќе се користи за вакцинирање на вработените во училиштата и градинките. Кацин рече дека е загрижен што сè уште нема доволно интерес за вакцинација кај наставниците во училиштата и воспитувачите во градинките, што е некаде под 50 проценти од вработените и предупреди дека оние што нема да се вакцинираат во иднина можеби ќе треба да бидат тестирани секој ден, за да не се шири инфекцијата.
Досега, 3.908 лица починаа во Словенија како резултат на Ковид-19, а во болниците во моментов има 485 пациенти со Ковид. До овој момент се вакцинирани 150.144 лица, од кои 63.908 со двете дози, соопшти Министерството за здравство на Словенија.
