Американски педијатар предизвика бура од реакции со своето тврдење дека децата и тинејџерите треба да почнат да си легнуваат уште во 19 часот и 30 минути. Иако многу родители сметаат дека тоа е невозможно поради доцните училишни обврски и спортски активности, д-р Росом тврди дека сонот е пресуден за здрав развој на децата.
Според експертите, на повеќето тинејџери им требаат 9 до 10 десет часа сон секоја вечер, додека на децата од основно училиште им требаат најмалку 11 до 12 часа
Во неговото вирално видео на Тикток, д-р Росом објаснува дека неговото семејство му придава големо значење на раното легнување. Тој и неговите деца на возраст од 7 до 15 години почнуваат со вечерната рутина веќе во 19 часот. Малите се во кревет до 19:30 часот, додека постарите заминуваат на спиење до 20:30 часот.
„Повеќето деца во САД не спијат доволно“, предупредува педијатарот. „Според насоките на Американската академија за педијатрија, на децата на училишна возраст им требаат помеѓу 9 и 12 часа сон. Без рана рутина, тешко е да се достигне таа бројка“.
Д-р Росом признава дека семејствата со зафатен распоред често имаат проблем да си легнат порано. Но, тој предлага строго придржување до пораните термини секогаш кога околностите дозволуваат.
„Кога нема спортски активности се трудиме да ги искористиме тие вечери максимално за рана рутина“, вели тој. „Значи, децата можат да поднесат подоцно легнување кога спортските или училишните обврски се неизбежни.
Исто така, препорачува внимателно разгледување при изборот на воннаставни активности за да се избегне преоптоварување, што може негативно да влијае на здравјето на децата.
Колку сон им треба на децата?
Според експертите, на повеќето тинејџери им требаат 9 до 10 десет часа сон секоја вечер, додека на децата од основно училиште им требаат најмалку 11 до 12 часа. Недостатокот на сон може да влијае на концентрацијата, расположението и општото здравје.
Видеото на д-р Росом предизвика дебата меѓу родителите. Додека некои ја поддржуваат оваа практика, други ја сметаат за непрактична.
