Поговорката вели дека е потребно цело село за да се подигне едно дете и тоа не е далеку од вистината. Затоа е добро одвреме-навреме да се послушаат совети и трикови на поискусни родители кои со нивна помош заштедиле време, а и нерви.
Родителите на социјалните мрежи споделија свои воспитни трикови, а ние издвоивме седум фаворити.
1. Му рекла на детето дека ушите му стануваат црвени кога ќе излаже
„Сега секој пат кога нешто ќе излаже, ги покрива ушите. Има седум години и овој трик сè уште функционира. Се прашувам до кога“.
2. Секое дете има свој ден
„Имам три деца кои се многу блиски по возраст. Во еден момент, на секое од нив им доделив ден во неделата (секое дете доби два дена во неделата, а неделата е вишок). Што и да ми побараа, одговорот би бил дека може оној чиј ден е. На пример – кој мора прв да се истушира? Оној чиј ден е. Кој може да се вози напред? Оној чиј ден е“.
3. Го научиле бебето да комуницира со нив пред да научи да зборува.
„Го научив моето дете на неколку основни знаци на комуникација пред да почне да зборува. Знаеше да ме извести кога е гладно, жеден, кога сака внимание…Ова ги намалува нивните фрустрации предизвикани од неможноста да комуницираат“.
4. Кога нивното дете ќе се разбуди мрзоволно, му велат да го започне денот од почеток.
„Исто како и возрасните, децата можат да се разбудат во лошо расположение. Затоа имаме трик кој многу добро функционира за расположението на нашиот син. Кога ќе се разбуди мрзоволен, му велиме да го започне денот од почеток бидејќи првиот пат не успеало. Така повторно поминуваме легнување на спиење, затворање очи и преправање дека повторно се буди. Тоа моментално го расположува.”
5. Го учат детето како се однесуваат возрасните
„Не бараме од неа да се однесува како возрасна, но сакаме да разбере што ја чека во светот на возрасните. Затоа уште од најрана возраст учествува во домашните работи, готвењето, има свој џепарлак со кој учи како да располага со парите…“.
6. Имаат семеен свиреж
“Мојата сопруга и јас смисливме препознатлив семеен свиреж. Најчесто го користиме во супермаркетите, кога децата одат на нивна страна. Само гласно свиркаме и лесно се наоѓаме”.
7. Кога нешто не сакаат / не можат да им го дозволат на детето, му велат да го стави на списокот со желби.
„Доколку нешто во тој момент не можеме или не сакаме да му го дозволиме на нашиот син, му велиме да го стави на списокот со желби. Списокот се ажурира одвреме навреме според неговите приоритети и ако нешто остане таму доволно долго – на крајот му ја купуваме, бидејќи тоа значи дека тоа не е каприц, туку навистина го сака“.
