СПОРЕД ЛЕКАРИТЕ ова е најважната храна за развој на мозокот на бебето

Исхраната на детето во првата година е апсолутно критична како за развојот на мозокот, така и за неговото здравје во иднина. Еве што се му е потребно.

Храната што ја јаде вашето дете во првата година од животот ( и хранливите материи кои ги прима за време на бременоста) имаат силно влијание на неговото здравје и развој. Според Академијата за педијатрија на САД, постојат одредени хранливи материи кои се особено критични – а нивниот недостаток може да има доживотни последици. Овие хранливи материи вклучуваат железо, цинк, бакар, холин и витамин Д.

Исхраната во најраната возраст не само што може да влијае на ризиците за развој на обезност, висок крвен притисок и дијабетес во детството и во возрасниот период, туку првите две години се најважен период за развој на мозокот, вклучувајќи ги подрачјата кои го контролираат помнењето, обработката, планирањето и вниманието.

Според Академијата, недоволниот внес на клучните хранливи состојки може да доведе до дефицит во функцијата на мозокот кој не може да се промени. Всушност, неадекватната исхрана во текот на првите две години е поврзана со понизок коефициент на интелегенција, проблеми во однесувањето и понизок успев во училиште.

“Истражувањата на ова подрачје стануваат важни. Навистина можеме да го подобриме здравјето на децата со долгорочно обрнување внимание на исхранат“, вели Сара Шварценберг, професор по педијатрија на Универзитетот во Минесота и автор на истражувањето.

СПИСОК НА НАМИРНИЦИ КОИ ГИ СОДРЖАТ ПОТРЕБНИТЕ ХРАНЛИВИ МАТЕРИИ

  • ПРОТЕИНИ: Месо, живина, риба, јајца, јогурт, житарки, грав
  • ЦИНК: Говедско месо, свинско месо, млеко, тофу, грав, путер од кикирики
  • БАКАР: Печурки, полнозрнести житарки, компир, грав
  • ЖЕЛЕЗО: Говедско месо, пилешко месо, риба, спанаќ, мешунки
  • СЕЛЕН: Туна, пилешко, јајца, кафеав ориз
  • КОЛИН: Говедско, живина, јајца, бела риба, лосос, грав
  • ФОЛНА КИСЕЛИНА: Спанаќ, сок од портокал, ориз, авокадо, леб од интегрални житарки
  • ЈОД: Млеко, јајце, конзервирана туна, сол, бакалар
  • ВИТАМИН А: Сладок компир, морков, манго, јајца, млеко
  • ВИТАМИН Д: Лосос, туна, млеко
  • ВИТАМИН К: Спанаќ, кељ, брокула, грашок, боровинки
  • ВИТАМИН Б6: Житарки, леблебија (наут), банана, компир, путер од кикирики
  • ВИТАМИН Б12:  Житарки, лосос, млеко, говедско, јогурт, сирење
Децата до една година треба да пијат мајчино млеко или формула, иако останатите млечни производи како јогурт и сирење се во ред. Во ред е да се користи и малку млеко за варење или печење.

ПОВРЗАНИ НАПИСИПОВЕЌЕ ОД АВТОРОТ