Растењето со нарцисоидни родители може да предизвика различни проблеми и последици, дури и во зрелоста. Нарцисоидните родители обично мислат само на сопствената благосостојба, занемарувајќи ја благосостојбата на своите деца. Тие често се премногу критични кон децата или нивните постапки, што може негативно да влијае на нивната самодоверба и самопочит, како и на нивниот целокупен раст и развој.
Сепак, понекогаш може да биде тешко да се препознаат нарцисите, особено ако се во прашање нашите родители. Затоа, психотерапевтката Маја Ушиоко издвојува осум знаци кои откриваат нарцисоиден татко.
Знаците се следните:
- Нарцисоидниот татко е шармантен и популарен во друштвото.
- Не е премногу заинтересиран за потребите и желбите на своите деца.
- Тој е чувствителен на критики. Дури и безопасните коментари ги доживува како напад.
- Нарцисоиден татко ги присвојува и се фали со успесите на своите деца.
- Често има проблем со гневот.
Отсутен е; одговорноста за децата целосно би ја препуштил на мајката. - Тој е егоцентричен.
- На нарцисоиден татко му недостасува емпатија. Нему му е тешко да ги разбере или да се грижи за туѓите емоции.
Опоравувањето од односот со нарцисоидните родители може да биде тешко, но експертите велат дека разговор со саканите или терапија може да ја обезбеди потребната поддршка и да помогне да се воспостават поздрави граници.
„Психотерапијата е чекор кон подобар квалитет на живот“, заклучува Ушиоко.
