Во многу семејства, утринските ритуали изгледаат вака – станување, појадок, миење заби а потоа одење на училиште/ /градинка или на работа.
Ако вака изгледаат и утрата на вашите деца, можеби треба да чуете што стоматолог вели за тоа дали е подобро децата да ги мијат забите пред или по појадокот.
Имено, стоматологот д-р Кунал Пател, вели дека сè зависи од тоа што децата јадат наутро.
„Кога средината на устата станува кисела, а потоа ги миете забите, ја оштетувате забната глеѓ. Тоа е како да ја отстраните бојата од автомобил, да ставите киселина одозгора, а потоа да триете. Надворешниот слој на забите ќе почне да паѓа бидејќи pH вредноста е ниска и кога ги миете забите, го отстранувате слојот на забите“, објаснува д-р Пател.
Ако сакате да ги миете забите на вашето дете по појадокот, треба да почекате најмалку половина час.
„Почекајте pH вредноста во устата да се врати, оставете ја плунката да работи, тоа е одбранбен механизам“.
Стоматологот истакнува дека многу повеќе плунка се произведува во текот на денот отколку навечер, и затоа воопшто не е добра идеја да им дозволите на децата да јадат слатки навечер.
„Тие не треба да јадат ништо откако ќе ги мијат забите навечер, а ако сакате да им дадете бомбони, нека биде во текот на денот“.
Притоа, стоматологот нагласува дека е важно децата од мали нозе да научат редовно да ги мијат забите, двапати на ден, и тоа да им стане рутина, а оптималното времетраење да биде две минути.
