Иако детето до оваа возраст било многу дружељубиво, сакало да оди кај други во раце и не плачело поради тоа, во периодот од 8 или 9 месеци тоа може да се промени.
На оваа возраст детето подобро успева да разликува “познато’ од “непознато“. Тоа и многу претходно е во состојба да препознае дека му се доближува странец, но дури сега на тој факт детето станува и навистина свесно. Затоа, не зачудува што одеднаш покажува дистанца кон непознати луѓе или не сака да оди кај други во раце.
Зошто тоа се случува?
Свесноста за тоа кој се наоѓа во близина, всушност е природен заштитем механизам кој го штити детето од неволји. Тој механизам обрзбедува да секој ден се поактивното дете не се одвојува премногу од мајката и таткото, односно постојано да се задржува во нивна близина каде е најбезбедно.
Како да се однесувате?
Како и многу други необични однесувања кај детето и за ова важи слично правило – прифатете ја фазата. Детето навистина чувствува страв и не треба да се сили да биде храбро кога моментално има само потреба да биде до вас. Бидете отворени кон другите, немојте детето однапред да го штитите ако не покажува страв, но немојте ниту да одбиете да го заштитите ако тоа го бара од вас. Колку помалку ја најгалсувате оваа ситуација, толку побрзо ќе помине фазата.
