Се негативно што се случува на работното место, длабоко влијае на психата на родителите кои неретко своите проблеми од работа ги носат и дома, и така го загрозуваат психичкото здравје на своите деца, но и односот со нив.
Секојдневното изложување на стрес и на притисок остава последици по секого, а родителите мораат да се борат сето тоа да не го пренесат на децата и својот однос со нив.
Проблемите на работа не мора секогаш да претставуваат шефови, некогаш тоа се и колеги со кои тешко се соработува. Ако родителите работат со колеги кои се неодговорни и несериозни, многу е веројатно дека ќе бидат под поголем притисок поради завршување на задачите, па со самото тоа ќе станат построги и поавторитетни и дома.
Освен што ќе си наштетат на својот однос со децата, родителите неретко ќе помислат и дека не ја вршат својата должност како што треба како родители, оти поради работата имаат помалку време за детето, па ќе се обидат да бидат уште построги и на погрешен начин ќе изградат однос со детето.
Следствено на тоа, родителите многу построго ги казнуваат грешките на децата и управуваат со многу аспекти од животот на своите деца. Децата потоа учат од родителите и ја пренесуваат таа агресивност, депресија и анксиозност на својот живот и односот со други луѓе. На тој начин ги пореметуваат своите социјални односи, тешко се прифаќаат сами себе и со самото тоа, тешко создаваат нови пријателства.
