Според ново истражување на Центарот за контрола и превенција на болести, речиси една третина од жените имаат деца помеѓу кои е премала разликата во години. Медицинските стручњаци препорачуваат мајките да чекаат најмалку 18 месеци пред повторно да забременат, што значи дека идеална разлика помеѓу браќата и сестрите е околу две и пол години.
ПОМАЛА РАЗЛИКА: Две години и помалку
Да се има мала разлика помеѓу децата, значи да се минува низ бременост во исто време додека се има мало дете, што според истражувањето, го зголемува ризикот од компликации при породувањето, но и ризикот од предвремено породување. Истовремено, може да биде заморно да се внимава и да се грижи за мало дете додека сте бремена, а нивото на калциум и железо поради тоа, може да биде многу ниско во споредба со првата бременост.
СРЕДНА РАЗЛИКА: Две до четири години
Вашето тело има време да се врати во нормала по бременоста, породувањето и раѓањето на детето, а вие и натаму ќе бидете во тек со информациите кои се однесуваат на бебињата. Можете повторно да ја искористите опремата за бебе која на вашето прво дете веќе не му е потребна. Ова е најчеста временска разлика помеѓу децата.
ПОГОЛЕМА РАЗЛИКА: Повеќе од четири години
Можеби ќе морате да го освежите своето знаење за бебињата, но можете да се фокусирате на новороденчето, додека постарото дете ќе биде во градинка или во училиште.
