Студеното време, празничините собирања и пазарувања во затворен простор се причина за се поголемиот број на инфицирани лица со коронавирусот, како и за раст на бројот на хоспитализирани пациенти во светот.
Освен тоа, додека делта и понатаму е доминанта, се појави нова варијанта на вирусот – омикрон, која еднакво брзо се шири, а научниците се обидуваат да откријат колку всушност е опасна.
Како да се снајдете во сето ова и како да се заштитите од зараза, советува Скот Готлиб, поранашен комесар на Агенцијата за храна и лекови (ФДА).
ЗАРАЗАТА СЕ ШИРИ, КАКО ДА СЕ ОСТАНЕ ЗДРАВ?
Најлесниот начин за заштита е носењето маска. Стручњаците истакнуваат дека ова е само привремена мерка со која може да се зачуваат здравствените системи. Поради зимата луѓето почесто престојуваат во затворени простории, а токму тоа треба да се избегнува. Но, ако е нужно, тогаш никаде без маска.
БОЛНИЦИТЕ СЕ ПОЛНАТ ГЛАВНО СО НЕВАКЦИНИРАНИ
Речиси половина од населението се уште не е целосно вакцинирано. Колку невакцинираните може да се обвинат за ширење на инфекцијата или нешто друго го поттикнува ова зимско ширење?
Од потешка форма на болеста секако во многу поголема мера страдаат невакцинираните, истакнуваат експертите. Ширење на инфекцијата секако постои и помеѓу оние кои се вакцинирани, а особено кај оние кои се уште не примиле бустер доза.
Но, во споредба со минатата година во ова време имаше многу повеќе хоспитализирани во светот, а тоа може да се припише само на вакцината. Вакцинацијата дефинитивно влијае на намалениот број на хоспитализации и тешки форми на болеста што не смее да се занемари.
ОМИКРОН ПРЕОВЛАДУВА НАД ДЕЛТА
Прашањето за омикрон е се уште отворено и се уште се истражува. Стручњаците велат дека и во тоа е тешко да се споредат земјите бидејќи имаат различнен процент на вакцинираност.
ИМУНИТЕТОТ СЛАБЕЕ И МОЖЕБИ ЌЕ БИДАТ ПОТРЕБНИ ПОВЕЌЕ БУСТЕР ДОЗИ
Некои експерти сметаат дека можеби ќе биде потребна и четврта вакцина. Ова особено се однесува на имунокомпромитираните лица и хроничните болни кои можеби не можат да одговорат на вирусот како што треба.
Исто така, постои можност вакцина против КОВИД-19 да добиваме и на годишно ниво.
КАКО ДА СЕ ЧУВАТЕ ОД ИНФЕКЦИЈА?
Најдобро е да се следат советите на здравствените експерти во пандемија, а пред се – да се вакцинирате. Покрај тоа, носењето маски, избегнувањето патувања, држењето растојание, избегнувањето големи собири, избегнувањето затворени простори и засилената хигиена навистина може да биде доволни и за заобиколување на омикрон.
