Повеќе од 90 проценти од Британците развиле антитела на коронавирус по една примена доза од вакцината на АстраЗенека или Фајзер, и скоро 100 проценти по втората доза, покажува истражувањето.
Откритијата се базираат на студија спроведена на 8.517 луѓе во Англија и Велс
Истражувањето покажало дека 96,42 проценти од луѓето кои примиле која било вакцина развиле антитела 28 до 34 дена по првата доза. Процентот се искачил на 99,08 проценти во рок од седум до 14 дена од приемот на втората доза.
Двете вакцини биле подеднакво добри во активирањето на антителата потребни за борба против Ковид-19, откриле истражувачите од Универзитетскиот колеџ во Лондон (UCL), пишува „Гардијан“.
„Ова е една од првите студии за вакцината против Ковид-19 во реалниот свет во Велика Британија и тоа е одлична вест“, рече Меди Шротри, главен автор на студијата, додавајќи дека вакцината е многу ефикасна, особено со оглед на брзината со која е развиена. „Ова е голем и значаен подвиг во борбата против најлошата пандемија во последните сто години“, рече докторката.
Важно е да се напомене дека никој од учесниците во студијата немал антитела пред да ја прими првата доза на вакцината, а сите потенцијални учесници во студијата со антитела биле исклучени од неа.
Истражувањето покажало дека нивото на антитела во почетокот расте побрзо кај луѓето кои примиле вакцина на Фајзер во споредба со групата која била вакцинирана со вакцината на Оксфорд/АстраЗенека, но по четири недели и кај обете вакцини било постигнато скоро истото ниво на антитела
Просечната возраст на учесниците во студијата изнесувала 65 години, бидејќи истражувањето било спроведено кај постарата популација, која прва била вакцинирана во Велика Британија. Кампањата за вакцинација во Велика Британија започна на 8 декември 2020 година.
Истражувањето покажало дека нивото на антитела во почетокот расте побрзо кај луѓето кои примиле вакцина на Фајзер во споредба со групата која била вакцинирана со вакцината на Оксфорд/АстраЗенека, но по четири недели и кај обете вакцини било постигнато скоро истото ниво на антитела.
Научниците исто така откриле дека по првата доза на вакцината, нивото на антитела било нешто пониско кај постарите учесници, но по примањето на втората доза кај сите старосни групи се постигнува изедначено ниво на антитела.
Исто така, забележано е дека нивото на антитела било помало кај луѓето кои страдаат од малигни заболувања, кај оние кои страдаат од дијабетес и срцеви заболувања. Но, таа разлика исчезнала откако сите учесници во студијата добиле и втора доза од вакцината, покажала студијата.
„Податоците на „UCL Virus Watch“ сугерираат дека развојот на антитела кај постарите лица и кај оние кои од порано боледуваат од одредени болести е нешто послаб по првата доза на вакцината, но дека е многу силен по примање на втората доза“, рече професорот Роб Олдриџ.
„Тоа е навремено потсетување за важноста на втората доза на вакцината, а во исто време е охрабрувачки факт бидејќи вакцините се нашиот излез од оваа пандемија“.
Коавторите на студијата, која поминала рецензија пред да биде објавена во медицински списанија, велат дека нивните откритија сугерираат дека секој треба да ги прими двете дози на вакцината за да се смета за „безбеден“, особено кога станува збор за стари лица и лица со претходно постоечки здравствени проблеми.
