Инфекцијата со коронавирус ќе предизвика ретки кардиоваскуларни компликации како што се воспаление на срцето и неправилно чукање на срцето пред вакцините, покажала британската студија објавена вчера, откако научниците анализирале податоци од околу 38 милиони луѓе вакцинирани против КОВИД-19.
Студијата објавена во стручното списание Nature Medicine, ги споредила ризиците од миокардитис, перикардитис и срцеви аритмии по првата и втората доза вакцини со оние кај ковид инфекциите.
Студијата што ја спровеле научниците од Универзитетот Оксфорд, открила зголемен ризик од миокардитис по првите дози вакцина АстраЗенека и Фајзер и две дози Модерна, но ризикот бил многу поголем кај ковид инфекциите, односно кај заразените пациенти.
Заклучоците се донесени со проценка на стапката на хоспитализации или смртност во рок од 28 дена од вакцинирањето или позитивен ПЦР тест за лица постари од 16 години и вакцинирани помеѓу 1. декември 2020 и 24. август 2021.
“Проценивме помеѓу 1 и 10 дополнителни случаи на миокардитис на милион луѓе вакцинирани со прва или втора доза, но 40 дополнителни случаи на милион луѓе заразени со КОВИД-19“, вели Џулија Хиписли-Кокс, професор и автор на студијата од Оксфорд.
Анализата според возраста, исто така, покажа дека поголем ризик од миокардитис поврзан со мРНА вакцините Фајзер и Модерна бил присутен само кај оние помлади од 40 години, велат истражувачите.
Оваа опсервација (за проблеми со срцето)… не е нова информација. Тоа веќе го знаеме. Но, оваа солидна, научно издржана работа го поддржува и потврдува“, објаснува д-р Питер Инглиш, пензиониран консултант за контрола на заразни болести.
