Вакцините против КОВИД-19 кои се одобрени и достапни засега се ефикасни против „сите варијанти на вирусот“, соопшти Светската здравствена организација (СЗО) во четвртокот, повикувајќи и понатаму да се почитуваат мерките на претпазливост.
Ублажувањето на мерките за социјално дистанцирање мора да биде придружено со засилување на напорите кои се однесуваат на тестирање, следење на контактите, секвенционирање на варијантите на вирусите и вакцинација
„Иако здравствената состојба во Европа се подобрува, меѓународните патувања сепак треба и понатаму да се избегнуваат затоа што заканата сè уште постои, како и нови непознатици“, предупреди Ханс Клуге, директор на СЗО за Европа, особено кога станува збор за новата загрижувачка варијанта што првпат е откриена во Индија, а потоа потврдена во половина од 50-тина земји во таа област.
„Тоа е закана полна со непознатици“, предупреди Кетрин Смолвуд, одговорна за кризни ситуации во канцеларијата на СЗО за Европа.
„Пандемијата не е завршена“.
Според податоците на СЗО, во целиот регион кој опфаќа дел од Централна Азија, бројот на новозаболени паднал за 60 проценти за еден месец, од 1,7 милиони во средината на април на 685 000 минатата недела.
Иако здравствената состојба во Европа се подобрува, меѓународните патувања сепак треба и понатаму да се избегнуваат затоа што заканата сè уште постои
„Одиме во добра насока, но мора да останеме внимателни… зголемената мобилност, физичката интеракција и собирањата може да доведат до зголемена трансмисија во Европа“, рече регионалниот директор, истакнувајќи дека есенцијалните патувања остануваат дозволени.
Покрај тоа, ублажувањето на мерките за социјално дистанцирање мора да биде придружено со засилување на напорите кои се однесуваат на тестирање, следење на контактите, секвенционирање на варијантите на вирусите и вакцинација.
„Не постои нула ризик“, рече Клуге. „Вакцините се можеби светло на крајот од тунелот, но не смееме да дозволиме тоа светло да не заслепи“.
