Кога ќе добиете бебе, а особено кога сте мајка по прв пат, сите се чувствуваат повикани да ви поделат по некој совет. Иако вие се трудите да имате сопствен став за негата на бебето, ги следите најновите сознанија, вашата свекрва, гордата баба, се труди по секоја цена да ви го наметне нејзиниот став. Секако, таа е секогаш во право, а жив доказ се нејзините деца кои се веќе возрасни и се најзина гордост.
Е, ако тоа е ваше секојдневие, ова е текст токму за вас. Но, можеби и не е свекрвата во прашање, можеби е вашата мајка или некоја друга личност која смета дека подобро од вас знае како да се грижи за бебето.
Издвојуваме 5 реченици на “добронамерните советници“ кои може да ве доведат до лудило, а сигурно некои од нив ги слушате неколку пати неделно.
“Спиј кога детето спие“
Од оваа реченица ви се исправа косата на глава, но и желуднкот. Супер е што некој се грижи за тоа да и вие како мајка се одморите, но ако спиете кога и вашето бебе спие, кога ќе јадете, ќе испиете кафе, ќе расчистите, ќе подготвите некој оброк… Ретки се жените кои имаат помош 24 часа дневно. Искористете ја секоја можност за одмор, секако, но ниту една мајка некогаш не успеала да спие кога тоа го прави и нејзиното бебе, да стигне да направи се останато и притоа уште и да се одмори.
“Стави ја цуцлата во мед“
Нашите родители, баби и дедовци, користеле секакви методи за да ја олеснат грижата за бебето. Така, една од методите била и да ако бебето плаче, па ако дури и цуцлата не го смирува, таа да се намачка со мед или да се натопи во шеќер. Денес, секоја мајка добро знае дека шечќер не смее да му се дава на дете барем првата година од животот, а особено не на бебињата оти е штетен за организмот. Ниту медот не се препорачува до првата година, бидејќи може да предизвика ботулизам.
“Мојот син веќе седеше на 3 месеци“
Нашите мајки веќе го заборавиле правилниот развој и кога секое здраво бебе почнува да седи, лази, оди… Секако, се е индивидуално од дете до дете, но сигурно ниту едно бебе не седело на три месеци.
“Нема да му биде ништо“
Колку само пати сте ја слушнале оваа реченица? Кога би го слушале секој што ќе ја каже, вашето дете од раѓање би почнало се да јаде и пие, што секако не е добро. Возрасните забораваат колку е чувствителен бебешкиот организам, колку време му треба д априфати вода, а не пак други работи. Педијатрите препорачуваат да бебе до 6 месеци исклучиво се храни со мајчино млеко, а вода помалку, ако е на млечна формула.
“Е, си го навикнала!“
Оваа реченица посебно “им го качува притисокот“ на мајките. Цел ден и цела ноќ седите покрај детето, го шетате, лулате, го доите, а тогаш сте обвинети дека сте го навикнале да го држите детето во раце и дека затоа плаче. Потоа приказната не застанува, бидејќи “советникот“ знае дека тешко со тоа дете ќе излезете на крај кога ќе биде малку поголемо, бидејќи уште сега ве врти околу малиот прст. Не обрнувајте внимание на овој коментар, бебињата не може да се разгалат, тие имаат потреба за блискост, допир и така комуницираат со вас.
