Нормалната телесна температура кај новороденчињата и доенчињата е до 37,5 степени. За зголемена телесна температура се смета онаа која е над 37,5, а над 38 степени педијатрите ја сметаат за температура која е потребно да се намали.
Освен вообичаените детски болести, температурата може да се зголеми и во случаи кога детето е претоплено или во ситуација на прегрејување по сончаница, велат педијатрите.
Еднаш дефинирана висока температура, може да се намали на неколку начини.
“Што се однесува до физикалните методи во доенечкиот период најдобро е да примени капење во кадичка која е наполнета со вода чија температура е околу 36 до 37 степени, всушност не многу пониска од самата температура на детето“, објаснува педијатарката д-р Ива Палиќ. Уште една метода на намалување на температурата е и со соблекување на облеката, односно раскомотување на детето, а по потреба и лекови, со лекарска препорака.
КОГА ДА СЕ ЗАГРИЖИТЕ?
“Кога бебето прв пат ќе добие зголемена температура, повисока од 38,5 степени мерена ректално или повисока од 38 степени мерена под пазуви или на чело, треба да се следи општата состојба кај бебето, односно дали по намалувањето, бебето сака да јаде, да пие, дали е весело. Ако тоа е во ред, може да се почека, но да се следи детето и да се размисли дали можеби е во прашање растење на забите и да се види дали температурата спонтано ќе помине“, појаснува педијатарот Џовани Армано.
Но, ако бебето и по давањето чепчиња и спуштање на температурата е малаксало, незаинтересирано и без волја, треба да се однесе на преглед кај педијатар, смета тој.
КАКО ДА РАЗЛИКУВАТЕ ИНФЕКЦИЈА СО КОРОНАВИРУС ОД ДРУГИ СЕЗОНСКИ БОЛЕСТИ КАЈ МАЛИ ДЕЦА?
“Никако со преглед, ниту со рутински крвни анализи, единствено тест на КОВИД-19 може да покаже дали станува збор за болест предизвикана од новиот коронавирус. Тестот не се прави рутински туку само во случај на позитивен конатк и позитивна семејна анамнеза“, заклучува проф. д-р Армано.
