Младите луѓе не се имуни од тешка форма на Ковид-19, а новата студија предупредува дека некои се повеќе изложени на ризик од другите.
Податоците на американските научници од клиниката Мајо укажуваат на три пати поголем ризик за тешка форма на Ковид-19 кај некои групи на луѓе помлади од 45 години.
Новите наоди се базирани на податоци за околу 10.000 луѓе дијагностицирани со Ковид во периодот од март до септември 2020 година, а се објавени во стручниот часопис „Mayo Clinic Proceedings“
Првенствено, станува збор за луѓе заболени од рак или срцеви заболувања.
Покрај тоа, ризикот од тежок облик на Ковид е зголемен кај пациенти со невролошки или ендокрини пореметувања.
Истражувачите истакнуваат дека скоро сите анализирани хронични состојби биле поврзани со зголемен ризик за тежок Ковид, вклучувајќи шизофренија, развојни нарушувања и нарушувања на личноста.
„Еден од изненадувачките наоди беше дека скоро секоја категорија на хронични состојби што ја разгледавме беше фактор на ризик за потешка инфекција со Ковид“, рече водечката авторка на студијата, Џенифер Сент Совер, епидемиолог од Рочестер, Мин.
Забележаната врска била поизразена кај помладата отколку кај постарата популација.
Новите наоди се базирани на податоци за околу 10.000 луѓе дијагностицирани со Ковид во периодот од март до септември 2020 година, а се објавени во стручниот часопис „Mayo Clinic Proceedings“.
Податоците на американските научници од клиниката Мајо укажуваат на три пати поголем ризик за тешка форма на Ковид-19 кај некои групи на луѓе помлади од 45 години
Д-р Совер потсетува дека вакцинацијата е најдобриот начин да се спречи Ковид-19 и сите што имаат право треба да се вакцинираат.
„Ние го гледаме тоа многу често, ние сме неверојатно среќни што има многу малку контраиндикации за вакцинирање, а вакцините што ги имаме се чини дека се многу, многу ефикасни, дури и против делта варијантата“, рече таа. „Значи, апсолутно, без оглед на тоа што го имате, какви се вашите основни здравствени состојби, без оглед на вашата возраст, вакцинацијата се чини дека е апсолутно најдобриот начин да се заштитите од тежок Ковид“, вели д-р Совер, а пренесува „HealthDay“.
