Летото е период од годината кој изобилува со овошје во преубави бои, свежина и витамини. Прочитајте кои е најдоброто овошје за децата во летниот период.
ЛУБЕНИЦА
Таа сигурно е едно од најразладувачките топ овошја бидејќи содржи 92% вода збогатена со хранливи материи. Секој сладок залак содржи значително ниво на витамини А, Б6 и Ц, многу ликопен (црвената боја во лубеницата, моќен антиоксидант кој помага во превенција на оштетување на клетките), антиоксиданти и амино-киселини. Има дури и мала количина на калиум во неа. Обезбедува голема количина на витамини и минерали и е многу нискокалорична. Лубеницата, како и пченката, стана синоним за летни дружења и излети, и со добра причина, бидејќи е одличен десерт за децата и возрасните, кои можат да уживаат во здрав шеќер и хранливи материи без и малку грижа.
Важна е во превенција од астма, намалување на крвниот притисок, ширење на клетките на ракот, полна е со важни електролити, па луѓето кои уживаат во ова овошје цело лето не треба да се плашат од дехидрација. Лубеницата и природните сокови од лубеница се одлични за превенција од болки во мускулите, а во спортот е забележано дека оние кои уживаат во ова свежо овошје покажуваат подобро закрепнување на мускулите. Кожата е исто така посвежа, повитална, бидејќи витаминот Ц го создава потребниот колаген, кој е одговорен за структурата на кожата и косата.
КРУША
Една круша содржи повеќе од 11% од препорачаната дневна доза на витамин Ц и 9,5% бакар. Крушите се одличен извор на диетални влакна и влакна здрави за срцето. Таа е важен антиоксидант и е полна со хранливи материи, кои се минимални во масти, холестерол и високи калории.
Го намалува ризикот од развој на рак, висок крвен притисок, дијабетес и срцеви заболувања. Одлична е во сузбивање на пореметувања на цревни заболувања, т.н дивертикулитис и кај апсорпција на вода во цревата и ја прави столицата попроодна. Покрај во борбата против дијабетесот и холестеролот и вишокот килограми, го одржува и чисти и дигестивниот систем од токсини.
АНАНАС
Ананасот ја стимулира работата на имунолошкиот систем, ги зајакнува коските, важен е за здравјето на очите, дигестивниот тракт, антиинфламаторни ефекти. Порано се служеше како екстравагантно и егзотично овошје на приватни настани и банкети. Денес можете да го најдете на речиси секоја полица на малку поголема продавница и да уживате во слатко-киселото овошје збогатено со витамин Ц. Одличен е во борбата против стареењето, спречување на астма, намалување на крвниот притисок, канцерогени клетки (особено рак на простата ), рак на дебелото црево. Штити од запек и го регулира дигестивниот тракт.
Антиоксидантите богати со влакна се покажаа како успешни во спречувањето на неплодноста, бидејќи слободните радикали значително го оштетуваат репродуктивниот систем, па ваквото овошје во соработка со витамин Ц, бакар, цинк и фолна киселина системски го уништува нивното присуство.
Витаминот Ц во ананасот игра важна улога во формирањето на колаген и одржување на здрава кожа. Високото ниво на калиум помага во намалување на ризикот од мозочен удар, мускулна маса во телото, густина на коските и намалување на камењата во бубрезите.
ПРАСКА
Праската е уште едно скапоцено овошје збогатено со минерали како што се калциум, калиум, магнезиум, железо, манган, фосфор, цинк и бакар. Таа е нискокалорична, не содржи масти или холестерол и е одличен извор на диетални влакна. Праската е одличен антиоксидант, полна со витамин Ц и помага во борбата против ракот. Витаминот Ц помага и во создавањето на колаген во организмот, во борбата против дијабетесот, додека заедно со калиумот, холинот, влакната помага во борбата против срцевите заболувања и очните болести.
КАЈСИЈА
Научниците откриле дека сувото и сушено овошје се извор на диетални влакна и железо – особено смокви, суво грозје и суви сливи и кајсии. Нивната портокалова кора е полна со бета-каротин и растителни влакна. Богати се во борбата против слободните радикали, добри за видот и против разни воспалителни процеси во организмот.
СМОКВА
Здравите придобивки од смоквите доаѓаат од фактот дека тие се полни со минерали, витамини и влакна, кои се наоѓаат во овошјето. Смоквите содржат многу здрави хранливи материи, вклучувајќи витамин А, Б1, Б2, калциум, железо, фосфор, манган, калиум.
Одлична е во борбата против запек и дехидрација на организмот. Помага за намалување на телесната тежина, ја регулира апсорпцијата на шеќер кај дијабетичарите, штити од висок крвен притисок, им го олеснува животот на астматичарите, одличен е за болки во грлото кај децата. Има уникатен сладок вкус, мека и едноставна медена текстура, а најдобриот дел е што семките со мекиот внатрешен дел смоквите едноставно се топат во уста.
Има висок процент на природен шеќер, го регулира вишокот килограми и дневната столица. Ако ја зголемите дневната количина (доволни се два на ден), тие можат да имаат лаксативно и релаксирачко дејство на цревата.
ДИЊА
Дињата е богата со витамини Ц, А, каротеноиди, биофлавоноиди, разни минерали, како што се калиум, калциум, железо и не помало ниво на диетални влакна, вклучително и пектин. Го намалува ризикот од дијабетес, го подобрува имунолошкиот систем, ја спречува макуларната дегенерација и катаракта.
Дињата го намалува нивото на лошиот холестерол во организмот и крвниот притисок. Помага при заболувања на белите дробови и рак на дојка, ја подобрува работата на цревата, го елиминира запекот и е добар во борбата против други гастроентеролошки проблеми. Го намалува ризикот од развој на срцеви заболувања и срцев удар.
И уште еден пријателски совет, … добро изладете ја секоја од овие намирници, исечете ги на коцки, ставете ги во поголем сад, посипете ги со чиа семе, прелијте ги со две или три лимети или лимони, неколку лажички оризови снегулки и имате здрава летна овошна салата, преполна со витамини А и Ц.
