Кога температурите паѓаат, родителите почнуваат да се грижат и се помалку ги изнесуваат децата на воздух. Родителската загриженост најчесто е поврзана со стравот од детски болести, па и најчестто есенските денови ги поминуваат во затворен простор пред телевизор или со таблет во рака, а всушност децата треба да бидат надвор исто како и во потоплите денови.
Студеното време секако дека го органичува времето на престој на воздух, но не треба да ги ограничува родителите во прошетките и игрите, веат експертите. За детето нема поубаво доживување од скокање по вирови со вода, тркалање во лисја и игри на снег. Играта на свеж воздух има голема важност во поттикнувањето на целокупниот развој на детето.
ПРЕСТОЈОТ НА ВОЗДУХ ГО ЈАКНЕ ДЕТСКИОТ ИМУНИТЕТ
Ако децата поминуваат повеќе време на свеж воздух, општо ќе бидат поздрави бидејќи секојдневно се во контакт со различни бактерии, животни, земја и песок. Тоа е природен начин на функционирање на организмот во природа и затоа детето најверојатно ќе има поголема отпорност на автоимуни болести и алергии. Бактериите и вирусите се размножуваат на повисоки температури, додека ниските ги убиваат. Престојот надвор во тек на студено време на детето ќе му озвоможи во своето тело да внесе голема количина на свеж воздух. Тој свеж воздух ќе влијае на детските дишни патишта, нервен систем, а крвотокот подобро ќе работи.
СЕ ЈАКНЕ ТЕЛОТО И СЕ ПОТТИКНУВА МОТОРИЧКИОТ РАЗВОЈ
Детето секогаш има потреба за движење. Трчањето и скокањето низ домот и по кревети често не се добра опција за решавање на вишокот енергија, затоа детето треба д асе изнесе надвор да потрча, да падне, да се лула и скока, да се врти и истражува. Кога ќе падне снег нека се санка, нека се тркала во снегот и игра со снежни топки, бидејќи снегот и онака е создаден токму за нив, велат експертите. Сите овие активности ќе допринесат за моторички развој и јакнење на телото и мускулите, а тоа ќе влијае и на останатите полиња на развој.
Не е доволно на детето само да му се зборува за есента или зимата и да му се покажуваат слики. Најдобар начин на учење е оној од сопствено искуство. Трчање на ветер, собирање лисја, чкрипење на снегот, скокање по барички во детето создава огромна радост и среќа.
ОБЛЕЧЕТЕ ГО ДЕТЕТО СПОРЕД ВРЕМЕНСКИТЕ УСЛОВИ
Само затоа што е ноември, не значи дека детето треба да има хулахопки, термо џемпер, зимска јакна и волнен шал. Облечете го онака како како што се облекувате вие на одредена температура. Децата на отворено не се статични, тие трчаат, скокаат, се вртат, а притоа нивното тело се загрева и тие се потат, а обравчињата им стануваат румени.
