Со доаѓање на потоплото време, многумина ги заменуваат јавниот превоз и автомобилите со велосипеди. Но, прашање што интересира многу бремени жени е колку и дали е безбедно да се вози велосипед за време на бременоста? Гинекологот Лаки Секхон има одговор и совети во врска со возењето велосипед за време на бременоста.
Д-р Лаки смета дека возењето велосипед за време на бременоста не мора нужно да претставува ризик за трудницата, меѓутоа бремената жена мора да има предвид одредени проблеми и потенцијални ризици. На пример, во првиот триместар, кога се најчести вртоглавицата и гадењето, губење на рамнотежата е еден од потенцијалните ризици. „Важно е да бидете внимателни и да го слушате вашето тело, а ако имате вртоглавица да запрете со сè што правите. За да го избегнете ова, бидете хидрирани и никогаш не возете велосипед на празен стомак“, вели д-р Лаки.
Поради растечкиот стомак, на бремените жени може да им биде навистина непријатно да возат велосипед. „Неопходно е да се сведе на минимум ризикот од пад, особено во доцниот втор и трет триместар, бидејќи директната траума, односно ударите на стомакот, можат да ја оштетат плацентата и да предизвикаат опасно крвавење“, предупредува д-р Лаки
Исто така, многу често може да се појави и проблем со грчеви во мускулите. „Важно е да го забавите интензитетот или да престанете да возите ако почнете да се чувствувате напнато и внимателно да се истегнете пред и по возењето на велосипед“, нагласува гинекологот. Во третиот триместар, постои низа на дотогаш вообичаени активности кои стануваат поризични поради фактот што се сменило самото тежиште на бремената жена, што влијае на рамнотежата и го зголемува ризикот од падови и повреди.
Поради растечкиот стомак, на бремените жени може да им биде навистина непријатно да возат велосипед. „Неопходно е да се сведе на минимум ризикот од пад, особено во доцниот втор и трет триместар, бидејќи директната траума, односно ударите на стомакот, можат да ја оштетат плацентата и да предизвикаат опасно крвавење“, предупредува д-р Лаки.
Иако лесното возење велосипед може да изгледа како добра вежба со прилично низок ризик, особено за оние бремени жени во првиот и вториот триместар, упатствата за каква било физичка активност во голема мера зависат од нечија основна физичка подготвеност пред бременоста.
„За некој што тренирал редовно или често возел велосипед пред бременоста, веројатно е безбедно и во ред да продолжи со ова ниво на активност. Ако трудницата не го правела тоа претходно, раната бременост не е време за физички стрес на вашето тело и ризикување повреда“, тврди гинекологот.
Ако сепак сакате да продолжите со некој вид рутина за возење велосипед за време на бременоста, д-р Лаки смета дека статичниот велосипед е многу подобра и побезбедна опција. „Возењето статичен велосипед е многу побезбедно, не постои ризик од паѓање затоа што нема неочекувани удари или ризик од лизгање на тротоарот“, заклучува д-р Лаки во интервју за „Попшугар“.
Во секој случај, безбедно возење, слушање на сопственото тело и консултација со лекар се корисни во одлуката дали да продолжите со возење велосипед и за време на бременоста.
