Во првите месеци од животот на бебето, мајчината прегратка е најсигурна и најспокојна за спиење. Но, без оглед на тоа, новороденчето има свои фази на плачење и отежнатно заспивање, бидејќи пред се се привикнува на живот надвор од матката.
Затоа, еве неколку трикови кои би можеле да ви помогнат полесно да го успиете бебето, да ви го олеснат секојдневието и да заштедите некоја минута во денот.
Пријатна и мирна средина
Како прво, заспивањето на детето не треба да биде форсирана работа, па затоа е важно да се создаде мирна и безбедна средина и постепено да се развиваат здрави навики и ставови на бебето за спиењето, што ќе направи тоа да го доживее спиењето како удобна и безбедна состојба во која сака и да остане.
На возраст од 6 до 8 месеци, бебето почнува да се интересира за светот околу него и да комуницира со околината, особено со мајката. Бебињата се особено чувствителни, па затоа е важно да чувствуваат нежност и љубов од вас, како и блискост, но и опуштена атмосфера за време на спиењето.
Важно е бебето да се чувствува топло, удобно и безбедно за време на спиењето.
Како да му помогнете на бебето полесно да заспие?
Постојат 3 основни услови, а пред се детето треба да биде доволно затоплено, да биде нахрането и да се чувствува безбедно. Токму така се чувствува бебето во матката, па затоа е важно условите од феталниот период да се приближат што е можно повеќе до него. Истражувањата покажуваат дека повивањето на бебето создава чувство најмногу слично на она што го познавало во текот на деветте месеци живот во стомакот на мајката, го продолжува спиењето и и помага при успивање.
Во текот на успивањето од помош може да ви бидат различни “трикови“, како што се лулање, пеење и бел шум, како звук на правосмукалка, пригушена телевизија, музика или звуци на море, а општо е познато дека за полесно заспивање доприбесува цицањето, па затоа е добродојдена и цуцла лажалка.
Место за спиење
Местото на спиење треба да се прилагоди на бебето. Некои деца сакаат да спијат во своето креветче, додека други пак сакаат да бидат покрај мама и да го слушаат нејзиното срце.
Важное да поработите на воспоставување на рутината за спиење, па важное бебето да го ставете да спие секогаш во приближно исто време за да влезе од одреден образец на однесување.
