Многупати несвесно, родители повторуваат одредени работи, кои на долг рок можат да го нарушат односот со детето. Се што треба е да ги освестите ваквите постапки и да ги поправите, со што ќе постигнете огромна разлика во односот со детето.
Негативен став
“Не ја удирај сестра ти“, “Престани да удираш со топката“, се само некои од работите кои сигурно безброј пати во текот на денот му ги велите на детето. Некој не сака да воспитува дете кое не ги разбира границите, но родителите го кажуваат зборот “не“, толку многу пати, што децата остануваат глуви на тој збор, и тој веќе нема значење. Наместо да му речете на детето “Не стој во кадата“, кажете му “Седни во кадата оти е многу лизгаво“.
Очекувате премногу од децата
Сигурно сте се нашле во некоја ситуација со вашето дете каде времето и местото бараат да бидете тивки, но вашето дете тоа никако да го сфати. Фокусирајте се на тоа да му покажете на детето како сакате да се однесува. Исто така, потребно е време и повторување за децата да научат некои работи.
Само зборувате, но не покажувате со пример
Вашите деца продолжуваат со лошо однесување, кога предупредувањата се нејасни. Поставете ограничувања и држете се до нив. За да ги научите децата да следат правила, објаснете им ги вашите очекувања, а потоа превземете мерки ако ги прекршат. Ако сакате детето нешто да направи, кажете му да престане со играта и да направи работата. Ако ве послуша, заблагодарете му се, а ако ве игнорира, земете му ја играчката се додека не ја заврши работата.
