Повеќето родители го сакаат најдоброто за своите деца и се спремни да направат се за да го остварат тоа. Но, не е секогаш лесно да знаете како да им помогнете на децата да се чувствуваат сакано, на начин што ќе им даде доживотна самодоверба. Терапевтот Ели Харвуд открива три начини како да им помогне на децата да се чувствуваат прифатени.
- Мораат да знаат дека нивните емоции се во ред
Првиот чекор е да се осигура дека децата се чувствуваат сакано и прифатено без оглед на нивната емоционална состојба. Нормално е и децата да имаат лоши денови. Значи, во вакви ситуации најважно е како реагираат родителите. Често, кога децата се нерасположени, тие реагираат негативно. Меѓутоа, каква порака испраќаме кога ги игнорираме во нивниот момент на потреба? Им порачуваме дека нивните емоции се премногу за нас.
Каква порака треба да испратиме наместо тоа? „Нашите деца треба да знаат дека не мора да се трудат за да бидат поврзани со нас“, вели терапевтот.
- Мора да знаат дека нивното присуство ни е пријатно
„Сржта на чувството на припадност е да се чувствувате посакувано во просторијата “, истакнува Харвуд.
Родителите денес имаат многу обврски. Затоа, може да изгледа невозможно да се најде време за децата, особено ако тие едвај имаат време за себе.
Иако ова е разбирливо, тие треба да одвојат време за своите деца и да одвојат дваесет минути за да се поврзат со нив. Таа поврзаност го осветлува нивниот свет и им дава до знаење дека нивните родители уживаат во нивното присуство.
- Мора да чувствуваат дека сме горди на нив
Децата секогаш бараат потврда од нивните родители, што е потврдено и во студии. Тие сакаат да знаат дека нивните родители се горди на нив и ги ценат.
Харвуд објаснува: „Треба да бидете горди на нив не поради она што го прават, туку поради тоа што се“.
Децата треба да знаат дека нивните родители се горди на нив без разлика што постигнуваат или не успеваат во животот.
„Нашите деца можат да чувствуваат дека се посакувани, прифатени и дека сме горди на нив“, тврди терапевтот. Исто така, тие можат да почувствуваат кога не се прифатени или сакани.
Затоа, ако сакате да ги заштитите од отфрлање и да им помогнете да се опкружат со луѓе кои подеднакво ги сакаат, обожаваат и ценат – почнете од мали работи. Нека знаат колку се сакани и ценети. Дајте им до знаење дека нивното присуство е повеќе од добредојдено и дека сте горди на нив, без разлика на нивниот успех.
