Будењето и станувањето на децата наутро може да биде и тоа каков предизвик за многу родители, особено ако се работи за деца на училишна возраст. Истражувањата покажале дека потешкотиите со станувањето од кревет не се толку поврзани со мрзеливоста колку со некои други фактори. Секоја личност има свој биолошки часовник кој е одреден со раѓањето. Доколку го наречете детето мрзеливо доколку што му е тешко да стане наутро од кревет, тоа ќе ја прифати таа етикета и ќе ја користи за оправдување на негативното однесување. Сепак, тоа не е оправдување за дозволувањето децата подолго да се задржуваат во кревет, особено ако за тоа немаат време. Наместо тоа, направете план кој функционира со детските „внатрешни инсталации„.
Започнете го утрото со: Добро утро, те сакам
Долгорочно започнувањето на денот со љубов и разбирање го одредува успехот за се.
Овозможете време за излежување
Ова е добар трик за сите спанковци. Разбудете го детето порано, дозволете му малку да се излежува во кревет и заедно разговарајте за денот што ве чека. Неколку минути активно излежување е добра идеа за семејна утринска рутина.
Не правете драма
Станувањето на детето од кревет може да биде многу фрустрирачко. Меѓутоа, двојно сте во губиток ако стекнете навика за утринска расправија. Прво, поради тоа децата само повеќе ќе се повлечат за да најдат начин како тоа да го избегнат и второ, по некое време ќе го истренирате детето да ве игнорира.
Разбудете го детето пеејќи
Добар или лош глас, пеењето ќе ги разбуди. Песната за будење е еднакво добра, како и песната што му ја пеете за заспивање. Музиката е одличен начин на будење и секое утро пуштете му ја омилената или едноставно вклучете радио.
