Бременоста е еден од најдраматичните периоди во животот. Може да предизвика многу мисли: среќни, возбудливи, но и мрачни и мачни. Повеќето чувствуваат некој вид на мешавина од убави и грди чувства. Тоа важи и за двајцата родители. Да се оечекува бебе значи да се подготвите за неочекуваното. Невозможно е да се знае каква ќе биде бременоста, ниту какво бебе ќе се роди. Невозможно е да се знае какви родители ќе бидете, ниту како доаѓањето на бебето ќе влијае на односот со партнерот.
Дел од луѓето размислуваат многу однапред. Некои пак, се вознемируваат околу сите можни детали и сакаат да знаат се што се ќе се случува. Во таквите случаи да се очекува бебе знае да биде особено тешко, бидејќи се работи за процес над кој немаме речиси никаква контрола.
Доаѓаат промени
Многу работи се менуваат за време на бременоста, посебно ако се работи за прво дете. Разни мисли се будат, па и околу љубовните врски. Двајца луѓе наеднаш ќе станат тројца и ништо повеќе нема да биде исто. Добрите врски може да станат уште подобри, но може и да се разнишаат. Лошите врски стануваат полоши, но може и да се подобрат. Како тоа ќе се одрази на љубовната врска, не може да се предвиди, но сигурно е дека ќе дојде до промени.
Сосема е нормално и вообичаено да има повеќе расправии. Но, врската мора да функционира, кога детето е на пат. Затоа луѓето стануваат многу поранливи и почувствителни едни кон други.
Можно е да се оддалечите од своите родители, особено ако родителите се проблематични. И другите релации се менуваат кога се чека бебе, на пример, кон браќата и сестрите, бабата и дедото, свекорот и свекрвата, пријателите, колегите, домашните миленици.
Релацијата кон опкружувањето, исто така се менува. И самиот човек се менува. Тие девет месеци чекање потребно е човекот да созрее и да го прифати својот идентитет како родител.
Различни чувства
Многу се ретки оние кои ја доживуваат бременоста како прекрасно време во исчекување и радост. Многу се ретки и оние кои ја доживуваат бремноста само со чувство на страв и анксиозност. Повеќето се чуствуваат во принцип добро, но има периоди кога се чувствуваат и лошо, психички или физички. Како бременоста ќе се доживее, не е секогаш поврзано со тоа колку време сте ја очекувале. Никогаш однапред не може да се знае како ќе размислуваме, или што ќе чувствуваме, па и жената која е трудна можеби ќе има сосема поинакви мисли и чувства во другите бремености.
Треба да се обрне внимание на:
- Стануваме почувствителни за време на бременоста и чувствувате поголема радост, но и поголема грижа. На некој начин таквите чувства се подготовка за доаѓањето на бебето;
- Бременоста е време за интензивен развој. Многу се менувате и созревате како индивидуи;
- Здраво е, понекогаш да се чувствувате лошо. Чувството на страв и немир има важна функција – помага да бидете подобри родители;
- Нормално е да се појават караници за време на бременоста, бидејќи многу луѓе размислуваат дека врската ќе им се разниша;
- Ситните кавги не му пречат на бебето;
- Добро е да си ги запишувате мислите, или да ги поделите со некој на кого му верувате;
- Побарајте помош доколу чувствувате дека ви е потребна – не се срамите да разговарате со психолог.
