За потребите на оваа студија истражувачите извршиле проверка на наоди кои биле добивани во континуитет од 2005 до 2007 година од 4.900 трудници.
Речиси три проценти од жените изјавиле дека го ограничуваат внесот на одредена храна за време на бременоста во надеж дека ќе спречат идни алергии на храна кај нивните деца. Тоа вклучува 1,7% од оние трудници кои јаделе помалку ореви, 0,3% кои јаделе помалку јајца и 0,004% од оние кои пиеле помалку млеко.
“За времето кога е спроведувана анкетата неколку трудници изјавиле дека се откажале од одредени намирници со цел да избегнат алергија на храна кај своите бебиња. Мајките кои имале постари деца со алергија на храна или кои самите имале алергија, значајно ги зголемиле шансите да ја испробаат оваа стратегија за избегнување на храна“, изјавила водачот на ова истражување, д-р Карен Робинс.
Во споредна со другите бебиња, децата на мајките кои правеле измена во режимот на исхрана за време на бременоста, имале двојн о поголем ризик дека ќе имаат проблеми со храната во првите четири месеци од животот, но не и во периодот од девет или 12 месеци, покажале наодите.
Немало никаква разлика во бројот на воспоставени дијагнози на алергија на храна помеѓу двете групи на деца, се наведува во извештајот кој неодамна беше претставен на состанокот на Американскиот колеџ за астма, алергија и имунологија во Сиетл.
Д-р Робинс изјавила дека истражувачите сакаат да знаат повеќе за тоа колку лесто трудниците со семејна историја на алергија, избегнуваат храна во надеж дека ќе спречат алергија кај нивното потомство.
“Се надеваме дека ќе дознаеме кои фактори влијаат на донесувањето на оваа одлука кај жените, како и зошто многу од нив се одлучиле на избегнување на храна како потенцијална стратегија за да се спречи алергија на храна кај децата“, вели д-р Робинс.
