Вакцинацијата против КОВИД-19 во бременоста не е поврзана со предвремено породување и со ниска родилна тежина на новороденчето, покажува студија што пред два дена ја објави Центарот за контрола и превенција на болести на САД (ЦДЦ).
Стапката на предвремено породување изнесувала 4,9 проценти помеѓу 10.000 жени кои примиле барем една доза вакцина, а 7 проценти кај околу 36.000 невакцинирани жени, наведуваат истражувачите во неделниот извештај на ЦДЦ за морбидитетот и морталитетот.
Разликата помеѓу вакцинираните и невакцинираните жени не е статистички значајна.
Притоа, вакцинирањето против КОВИД-19 не е ризик за мала родилна тежина на новороденчето, покажува истражувањето.
Резултатите од студијата ги потврдуваат препораките на ЦДЦ за безбедноста на вакцинирањето против КОВИД-19 во бременоста.
“Доказите за предностите на вакцинирањето против КОВИД-19 во текот на бременоста и понатаму се собираат, вклучувајќи и откривање на антитела во крвта на папочната врвца“, пишуваат експертите.
Тие истакнуваат дека трудниците со КОВИД-19 истот ака имаат зголемен ризик од хоспитализација на единците за интензивна нега, потреба за механичка вентилација и смртен исход.
Жените кои учествувале во истражувањето забремениле помеѓу мај и октомври 2020 година, пред да станат достапни вакцините.
Речиси сите вакцинирани жени ја примиле вакцина во второто или третото тромесечје од бременоста. Околу 96 отсто од нив биле вакцинирани со Фајзер или Модерна, а останатите примиле еднодозна вакцина.
Не е забележана разлика во резултатите врз основа на времето на вакцинирање, бројот на дози и производителот на вакцината.
