Децата кои ги цицаат палците или ги грицкаат ноктите се поотпорни на алергии во возрасна доба, покажало истражувањето спроведено на Универзитетот во Отаго во Нов Зеланд. Како што пишува „Вашингтон пост“, научниците следеле повеќе од илјада деца на возраст од пет, седум, девет и 11 години, по што биле тестирани на различни алергии кога биле постари, поточно на возраст од 13 до 32 години.
Иако претходните студии покажаа дека цицањето палец предизвикува некои негативни појави како искривени заби и можни проблеми со говорот, оваа студија покажува дека до одредена возраст тоа и не е толку лошо
Истражувањето покажало дека 49 отсто од 13-годишниците кои не ги цицале палците и не ги гризеле ноктите биле позитивни на барем една алергија.
Кај оние кои имале барем една од овие две навики во раното детство, процентот на позитивни за алергии бил 38 отсто, додека 31 отсто биле позитивни во категоријата на оние кои како деца и ги цицале палците и ги гризеле ноктите.
Подоцнежниот тест за отпорност на алергии, спроведен на 32-годишна возраст, ги дал истите резултати.
Што велат експертите?
Иако претходните студии покажаа дека цицањето палец предизвикува некои негативни појави како искривени заби и можни проблеми со говорот, оваа студија покажува дека до одредена возраст тоа и не е толку лошо.
Објаснувањето би можело да биде во таканаречената хигиенска хипотеза, според која изложувањето на одредени микроби е поврзано со позитивно влијание врз развојот на имунолошкиот систем на детето и со самото тоа намалување на ризикот од алергии, сметаат научниците.
