Квалитетниот сон е исклучително важен за детскиот развој, а секој родител има свој начин на кој го заспива детето, што често зависи од неговите потреби. Иако некои деца многу рано почнуваат да спијат сами и лесно заспиваат, други имаат потреба родителите постојано да се до нив кога треба да заспијат. Важно е да се нагласи дека ритуалот на успивање и потребата детето да заспие со мама или со тато зависи од детето.
“Тоа зависи од дете до дете. Некои тоа го надминуваат со две години, а некои имаат потреба за успивање со родител и откако ќе тргнат во училиште. Некои деца едноставно сакаат контакт со родителите. Успивањето е всушност заедничко време во кое родителите и децата непречено уживаат и меѓусебно дополнително се поврзуваат. Заспивањето со родители не треба да се прекинува само затоа што се смета дека детето е преголемо за такво нешто, туку во тоа треба да се ужива, бидејќи брзо ќе помине. На тој начин кај детето дополнително се зајакнува чувството на сигурност и се подобрува неговата самодоверба, бидејќи знае дека има некој кој е секогаш до него“, објаснува Ива Брчиќ, експерт и едукатор за раст и развој на децата.
Во некои случаи ако детето има голема потреба за успивање со родител, тоа може да покажува дека детето се чувствува несигурно во односот со родителите. Детето можеби сака да има контрола над родителите или се чувствува несигурно, односно дека може да биде напуштено. Таквиот однос може да се случи ако од раната детска возраст не е поставена добра комуникација помеѓу детето и родителите.
Често се случува да различни промени во детскиот живот влијаат на рутината на заспивање.
“Во периодот на поаѓање во градинка или ако некој друг го чува детето, а родителот знае да се искраде за да детето да не го види и почне да плаче, тоа предизвикува несигурност и страв оти никогаш не знаат кога ќе бидат оставени. Кога е време за спиење, кај тие деца повторно се јавува страв дека ќе бидат оставени, па инсистираат родителите да бидат до нив“, појаснува Брчиќ.
Таа вели дека нема просечна возраст на која децата престануваат да заспиваат со родители.
‘Некои деца веќе на една година може сами да спијат, додека некои сакаат и на 10 години да се пикант до родителите и да слушаат приказна пред спиење“, вели Брчиќ.
