♦♦♦♦♦♦♦
Примањето на вакцина против грип за време на бременоста не го зголемува ризикот на бебето подоцна да биде дијагностицирано со аутизам, покажува најновата студија.
Истражувачите во Шведска ги споредиле дијагнозите на аутизам кај седумгодишни деца чии мајки за време на бременоста примиле вакцина против свински грип и кај оние кои не примиле. Од скоро 70.000 деца, 39.700 биле изложени на вакцината H1N1 уште додека биле во матката.
Стапките на аутизам не биле поразлични во споредба со децата чии мајки не се вакцинирале, потврдувајќи дека нема врска.
Здравјето на децата е чувствителна тема за луѓето кои се против вакцините, а шведските истражувачи рекоа дека луѓето во минатото тврделе дека може да има врска помеѓу H1N1 вакцината и аутизмот. Научниците не знаат што го предизвикува аутизмот, но тие постојано нагласуваат дека не е поврзан со вакцините и доказите продолжуваат да го потврдуваат тоа.
Бремените жени се охрабруваат да се вакцинираат против грип – можат да ја добијат вакцината бесплатно во Британија, бидејќи имаат поголем ризик од компликации од вирусот.
Научниците не знаат што го предизвикува аутизмот, но тие постојано нагласуваат дека не е поврзан со вакцините и доказите продолжуваат да го потврдуваат тоа
Студијата на шведските истражувачи од Каролинска институтот во Стокхолм покажа дека стапките на аутизам биле исти во обете групи – 1 процент во групата на вакцинирани мајки и 1,1 процент во групата на невакцинирани мајки.
Се смета дека бремените жени се изложени на висок ризик за сериозна болест доколку заболат од грип, а нивните бебиња може да се родат предвреме.
Студиите покажаа дека е безбедно да се вакцинираат против грип за време на која било фаза од бременоста, од првите неколку недели до очекуваниот датум на породување, велат од NHS.
Голем број студии покажуваат дека вакцината му дава имунитет на бебето во првите неколку месеци. Но, и покрај ова, многумина сè уште одбиваат да се вакцинираат
Американскиот центар за контрола и превенција на болести, исто така, ги охрабрува жените да се вакцинираат против грип за време на бременоста, велејќи дека милиони жени безбедно го правеле тоа низ историјата.
Наодите од шведското истражување, објавени во „Annals of Internal Medicine“ уверуваат дека стратегиите за вакцинација насочени кон бремените жени се безбедни, пишува „Дејли мејл“.
