Заразувањето со Ковид-19 откако комплетно сте се вакцинирале или вакцинација по прележување на болеста обезбедува силен имунитет против идна инфекција, покажува студија објавена во журналот „Science Immunology“.
Научниците со месеци се мачат да најдат одговор на прашањето: како поединци кои откако биле вакцинирани и се инфицирале со коронавирус имаат толку силен имунолошки одговор, а особено со ова прашање се занимавала студијата спроведена од страна на Oregon Health & Science University (OHSU), која го проучувала и имунитетот кај оние кои прво се заразиле, па дури потоа се вакцинирале.
„Можноста за повторна инфекција е голема бидејќи вирусот циркулира околу нас во големи количини“, објаснува д-р Фикаду Тафесе, автор на студијата.
Истражувањата покажуваат дека хибридниот имунитет се развива по вакцинација и инфекција и се работи за најсилен имунолошки одговор
Научниците се свесни дека инфекцијата обезбедува имунитет, но сега се расправа за тоа колку долго трае и колку е силен. Со оглед на големиот број на повторни инфекции и на тоа дека некои луѓе кои се вакцинирани после болеста, научниците сакале да откријат како овие фактори влијаат на имунитетот. Собрале податоци од 104 испитаници: целосно вакцинирани кои имале повторна инфекција, оние кои се заразиле по вакцинацијата и оние кои биле вакцинирани и никогаш не се заразиле. Откако земале крв од сите испитаници, го измериле имунолошкиот одговор. Сфатиле дека не е важно дали некој прво примил вакцина или се заразил – имунолошкиот систем слично реагирал.
„Нема разлика, а во секој случај ќе стекнете исклучително силен имунитет“, тврдат експертите. Тие исто така тврдат и дека хибридниот имунитет е силен без разлика на возраста.
Таквиот имунитет е силен, но секако е совет дека најдобро е да се вакцинирате и да преземете чекори за заштита од вирусот. „Во подобра позиција сме ако се вакцинираме, а ако вирусот не нападне, ќе имаме блага форма на болеста и на крајот суперимунитет“, истакнува д-р Тафесе, додавајќи дека хибридниот имунитет е најдобриот имунитет што можете да го стекнете.
Дали хибридниот имунитет значи крај на пандемијата? Научниците веруваат дека тоа е можно бидејќи резултатите од претходните трудови сугерираат дека SARS-CoV-2 може да стане ендемска инфекција, како сезонска инфекција на дишните патишта.
