Нова студија покажува како навиките на социјалните мрежи на мајките и татковците откриваат многу работи за тоа какви родители се.
Секако, родителските стилови се разликуваат секој знае кој е оној кој функционира во неговиот дом и семејство. Тешко дека ќе се промените ако пријателите ви упатат совет или критика. Можеби на луѓето ќе им кажете кој стил на воспитување го применување, а можеби мислите дека тоа не е ничија грижа.
Но, вашите навики и објави на социјалните мрежи тоа може да го откријат, иако вие не сакате.
Значи, ако сте од оние кои објавуваат многу постови и слики поврзани за вашите деца, стручњаците тврдат дека сте родител кој првенствено негува пријателски однос со своите деца. Попустливи сте и имате многу доверба во вашите деца и веројатно многу рано ќе им дозволите и самите да користат социјални мрежи.
Но, експертите коментираат дека таквиот начин на однесување на социјалните мрежи можеби не е најдобриот избор.
“Во ред е да се споделуваат слики со членови на семејствто, можеби со оние со кои не се гледате толку често. Така ќе бидат во тек и ќе гледаат како растат децата. Но, премногу објавувања на детски слики без нивна дозвола… треба да се биде многу внимателен да се премине границата и да не се објави нешто што детето и само еден ден не би го одобрило“, истакнуваат истражувачите.
Тие се загрижени и дека децата за кои родителите многу лесно споделуваат информации, еден ден и самите пребрзо ќе споделуваат лични работи за себе на непознати на интернет.
Во студијата учествувале 493 родители и тоа оние кои имаат деца помали од 10 години. Сите тие биле активни на неколку популарни социјални мрежи, но најмногу на Фејсбук, Твитер и Инстаграм и таму споделувале најмногу слики и информации.
Со истата студија се дошло до заклучок и дека родителите кои не споделуваат или ретко споделуваат слики од своите деца на овие социјални мрежи, веројатно користат построг или поавторитативен стил на родителство. Постои голема можност нивните деца да не смеат рано да почнат да ги користат социјалните мрежи.
