Добриот вид и здравите очи се од најголемо значење кај децата, со оглед дека околу 80% од се што детето учи, учи визуелно. Лошиот вид обично доведува до фрустрации кај децата, и се одразува со лош успех во училиште и во спортските активности.
СИМПТОМИ КОИ УКАЖУВААТ ДЕКА ДЕТЕТО ИМА ПРОБЛЕМИ СО ВИДОТ:
- Едното око бега на страна. Дури и ако окото малку бега, задолжително појдете кај офталмолог.
- Детето замижува, го затвора или го покрива едното око. Ова веројатно го прави бидејќи гледа матно или сликата му е двојна.
- Очите на детето солзат или се црвени. Ова може да биде знак на инфекција или алергија.
Детето ја држи книгата близу лицето додека чита и/или седи многу блиску до телевизорот. Ова многу лесно може да бидат знаци на кратковидност.
- Ја помрднува главата на една страна додека нешто набљудува.
- Со прст ја следи реченицата што ја чита и многу брзо не знае каде застанало.
- Има главоболка и му се врти. Ако е во прашање видот, овој знак се јавува како последица на напрегање на детето нешто појасно да види.
Често ги трие очите, трепка и го стиска едното око или двете. Ова може да биде знак дека детето има проблем да ги фокусира предметите.
- Бојата на зеницата е белузлава. Ако го забележите ова, веднаш обратете се на лекар, бидејќи многу е веројатно да се работи за сериозен проблем кој треба што побрзо да се реши.
