Експериментален лек првично развиен за лекување на грип покажал ветувачки резултати во борбата против вирусот SARS-CoV-2 и може да има двоен ефект врз Ковид-19, објавија германските научници.
Резултатите од студијата, објавени минатата недела во стручното списание „Cellular and Molecular Life Sciences“, се добра основа благодарение на која германскиот институт за лекови и медицински помагала му даде одобрение на производителот Atriva Therapeutics да го тестира лекот на луѓе
Лекот наречен запнометиниб или АТР-002 потенцијално може да го спречи ширењето на вирусот во клетките и во исто време да го намали прекумерниот имунолошки одговор што влијае на развојот на потешки форми на болеста во случај на инфекција со коронавирус, покажаа ин витро експериментите.
Активната супстанција запнометиниб, која изворно е користена во развојот на лек против грип, се покажала ефикасна во различни модели на клеточни култури, вклучително и дејство против сите тестирани соеви на SARS- CoV-2.
Ова подразбира широка примена во справувањето со претстојните видови на коронавирус со кои ќе се сретнеме во иднина. Во моментов во тек е тестирање на животни за да се потврдат наодите.
Резултатите од студијата, објавени минатата недела во стручното списание „Cellular and Molecular Life Sciences“, се добра основа благодарение на која германскиот институт за лекови и медицински помагала му даде одобрение на производителот Atriva Therapeutics да го тестира лекот на луѓе.
„За прв пат гледаме кој било постоечки лек да покажува двојно дејство против Ковид-19“, рече коавторот на студијата, професор Стефан Лудвиг, виролог од Институтот за вирологија на Универзитетот во Мунстер. „Позитивните резултати од клиничката студија на луѓе, која е сè уште во тек, би можеле да резултираат со итно одобрување на лекот уште оваа година“, додаде Лудвиг.
