Сте забележале дека детето ќе почне со некоја активност, но ретко успева да ја заврши? Му читате приказна, но за само неколку минути неговата концентрација слабее и воопшто не се слуша? За да му помогнете на детето подобро да се концентрира, прво треба да ја сфатите разликата помеѓу концентрација и внимание кај децата.
Вниманието е вродено кај секое дете, потребно е само нешто да се случи и да се вклучи тригерот кој ќе го привлече детското внимание и ќе ги ангажира сите негови сетила, неважно дали тсанува бзор за звук, мирис, вкус, слика…
Но, за концентрацијата е неопходно детето да вложи вистински интелектуален напор, односно да размисли. Затоа за јакнење на неговата концетрација добро е секојдневно да изведува одредени интелектуални вежби, како што се сложување сложувалки, градење разни објекти или градови од коцки со различна големина или цртање.
Доколку некој надворешен стимуланс го поремети текот на детото додека нешто работи, тоа веднаш ќе се деконцентрира и ќе се откаже. Затоа, немојте да му пречите и прекинувате додека е во некоја интелектуална активност. Постои опасност брзото губење на интерес подоцна да се манифестира низ тешкотии во учењето.
