Како да развиете самостојност на детето

Родителите и останатите возрасни лица кои се грижат за детето со постојано помагање и терање на детето да ги заврши секојдневните обврски му одмогнуваат на детето.

Природно е детето да сака да биде самостојно. Учењето на самостојност најдбро се постигнува со учење на вештини и тоа со непосредно покажување – со активно учесто на детето, и со вежби (повторување). Родителите и останатите возрасни лица кои се грижат за детето со постојано помагање и терање на детето да ги заврши секојдневните обврски му одмогнуваат на детето. Детето треба доволно да вежба, за да ги усвои потребните вештини. Работните навики се пресудни за понатамошниот развој на личноста, а тие најдбро се усвојуваат во предучилишниот период. Неопхдоно е да се почитува моменталната мотивација за работа. Мотивацијата во овие случаи е клучна, па подобро е да се одложи учењето на одредени вештини, отколку детето да се присилува да научи.

Потребно е секоја активност  да се  подели на помали задачи и да му се дозволи на детето да се чувствува успешно уште на почетокот. За секоја вештина ( на пр. облекување чевли, хранење, миење раце, пресоблекување…), дозволете му на детето колку што може посамостојно тоа да го направи, пред вие да му помогнете. Откако ќе му ја покажете постапката, на детето пружете му доволно шанси за вежбање, со кои ќе создаде навика за одредени работи (ставање рака на уста кога ќе се прозева, миење раце кога ќе стигне дома и сл…)

 

Клучот е во поддршката на секоја самостојна работа на детето, како и во охрабрувањето да се обиде само. Колку што е можно порано исфрлете ги шишенцата и цуцлите заради правилен развој на забите и говорот. Исто така, детето треба да спие во својот кревет и да развива самостојност при заспивање/будење.

Активности кои може да ги правите со детето и со тоа да му помогнете во самостојноста се:

ЈАДЕЊЕ

Кога детето се учи само да јаде, очекувајте дека ќе прави неред и зад себе ќе остави дамки. Не инсистирајте на уредност и дајте му на детето прибор за јадење кој не е тешко да се користи и обезбедете му доволно простор за јадење. Бидете креативни при сервирањето на храната. Најпрво вежбајте користење на вилушка, така што вие ќе ја набодете храната, а детето на почеток само треба залакот да го стави во уста.

ОБЛЕКУВАЊЕ

Детето постапно запознавајте го со задачата, чекор по чекор низ игра. На самиот почеток може на детето да му помагате да научи да облекува или соблекува некој дел од гардеробата, или обувките. Ако, на пример, ги стави двете нозе во една ногавица, или сака да ги соблече чевлите без да ги одврзе врвките, објаснете му дека тоа е проблем кој треба самиот да го реши и водете го низ целиот процес на размислување и доаѓање до решение. Учете ја оваа вештина и на кукли. Тоа може да биде многу весело и интересно. Почнете со соблекување прво на капа или чорапи, а потоа останатите делови од гардеробата.

Вежбајте често, поддржувајте го и охрабрувајте го детето низ секој чекор.