Кога бебињата плачат, тогаш тоа не само што може да ги уништи нервите на родителите, туку и нивниот слух. Според најновите истражувања, бебињата и децата прават врева како и млазните авиони.
Според последните истражувања, бебињата можат да создадат бучава како и авионите, односно да произведат и до 120 децибели. Заради споредба – ако работниците на работа се изложени на бука псоилна од 85 децибели, задолжително е носење на специјални заштитни слушалки. Тоа е граница, после која е загрозено здравјето и тоа значи дека родителите би требало да носат таква заштита.
Особено се погодени родителите чии бебиња често и долго плачат и викаат. Речиси секое петто бебе спаѓа во таа категорија. По дефиниција на Матилда Папусек, научник која е специјализиран за истражување на бебиња, тоа се бебиња кои во тел на период од три недели, најмалку три дена неделно плачат и викаат по три часа. Верувале или не, но има бебиња кои се во состојба да викаат и осум часа, без престан.
На кој јазик викаат бебињата и плачат?
Викањето не е само викање. Така на пример, германските бебиња викаат поинаку од француските – гласи резултатот од студијата на научници од Универзитетот Вурзбург. Типично вриштење на француските бебиња има влезна мелодија, додека германските бебиња викаат на надолна мелодија.
Причината за тоа е во фактот дека бебињата уште во мајчината утроба регистрираат мелодија на говорот, која подоцна да имитираат со вриштење. Би можело да се каже дека викање е гласен ран стадиум на говорот.
