Оваа анализа дава некои од првите докази дека асимптоматските инфекции се значително помалку заразни од симптоматските случаи. Исто така, ги зајакнува растечките докази за важноста на преносот во домаќинството, особено во контекст кога симптоматските случаи не се изолирани надвор од домот, изјави професорот Нил Фергусон
Според истражувањето на Imperial College London Covid-19 Response Team, спроведено во соработка со повеќе партнери, асимптоматските пациенти имаат четири пати помала веројатност да ја шират инфекцијата отколку симптоматските пациенти.
Истражувачите идентификувале вкупно 97 студии засновани на пренесување на инфекцијата преку контакт, од кои 45 ги исполниле критериумите за вклучување во мета-анализа.
Овие извештаи биле проучувани за да се „процени стапката на секундарен напад (SAR) и да се анализира бројот на репродукции во различни средини како и да се испитаат разликите според возраста, симптомите, времетраењето на изложеноста и големината на домаќинството“.
Според студијата, шансата асимптоматски пациент да зарази близок контакт била 3,5 проценти во споредба со 12,8 проценти кај болните кои имале симптоми. Просечниот број на лица кои заразеното лице ќе ги инфицира во домаќинството (репродукциски број) се проценува на 0,96, се наведува во извештајот.
„Оваа анализа дава некои од првите докази дека асимптоматските инфекции се значително помалку заразни од симптоматските случаи. Исто така, ги зајакнува растечките докази за важноста на преносот во домаќинството, особено во контекст кога симптоматските случаи не се изолирани надвор од домот“, изјави професорот Нил Фергусон, автор на извештајот во статијата објавена на веб-страницата на Imperial College London.
Истражувачите, исто така, ја проучувале и брзината на пренесување во различни услови и откриле дека стапката на пренос е поголема во домаќинствата отколку на патувања, социјални собири, на работно место и меѓу повремени блиски контакти. Шансата за пренесување на инфекцијата во домаќинството изнесува 21,1 процент
Поголем ризик во домаќинствата
Истражувачите, исто така, ја проучувале и брзината на пренесување во различни услови и откриле дека стапката на пренос е поголема во домаќинствата отколку на патувања, социјални собири, на работно место и меѓу повремени блиски контакти. Шансата за пренесување на инфекцијата во домаќинството изнесува 21,1 процент.
„Со оглед на тоа што многу земји апелираат до граѓаните да останат дома, со претстојните празници и случаи на самоизолација во домаќинството, нашите резултати покажуваат дека веројатно ова место ќе продолжи и понатаму да биде важно во одржување на преносот“, рече Хејли Томпсон, уште една од авторите на студијата.
Просечниот број на лица кои заразеното лице ќе ги инфицира во домаќинството (репродукциски број) се проценува на 0,96, се наведува во извештајот
Истражувачите забележале дека податоците за пренос на вирусот на работното место, во домовите за стари лица и училиштата се ограничени и затоа се потребни дополнителни истражувања.
„Разбирањето на условите во кои постои поголема веројатност за пренесување на коронавирусот е клучно за насочување на политичките интервенции како би се намалил преносот, истовремено балансирајќи го економскиот ефект“, изјави истражувачот од „Imperial College“, Андрија Муса.
