Најчести причини за зголемена телесна температура кај децата се инфективните болести и во летниот период тоа се почести вирусните болести кои може да го зафатат респираторниот тракт, па доаѓа до појава на симптоми како кашлање, течење нос, кивање, печење на грлото. Или се тоа цревни симптоми ако станува збор за вирусни цревни инфекции кои се многу чести во летниот период, а тоа се пролив, детето нема апетит и кога децата помали, малаксалост и раздразнетост.
КОЈА ТЕМПЕРАТУРА СЕ СМЕТА ЗА ОПАСНА?
Самата висина на телесната температура не ни зборува за тоа колку е детето сериозно болно или колку е таа опасна.
За температурата, важно е да му се каже на педијатарот кои симптоми ја следат.
Опасна е тогаш ако детето со температурата има еден необичен осип на телото, детето не е во добра општа состојба, дека е изразено малаксано, профузно повраќа и не може да се стопира, родителот не може да ја намали телесната температура, или има симптоми на отежнато дишење, па има и пена на устата, не може да дојде до воздух и слично.
