Иако повеќето луѓе веруваат дека висок крвен притисок или хипертензија се јавуваат само кај постарите лица, денес тој е се почеста појава и кај децата. Педијатрите објаснуваат дека колку е помладо детето, толку е поголема веројатноста дека високиот крвен притисок е предизвикан од специфична и препознатлива медицинска состојба. Постарите деца може да развијат висок крвен притисок од истите причини како и возрасните, а тоа се дебелината, односно вишокот килограми, лошата исхрана и недостатокот на вежбање.
Ако детето има состојби кои може да го зголемат ризикот од висок крвен притисок, вклучително и предвремено породување, ниска родилна тежина, вродени срцеви заболувања и одредени бубрежни проблеми, следењето на крвниот притисок може да започне веднаш по раѓањето
Промените во животниот стил, како што се здрава исхрана со малку сол (натриум) и повеќе вежбање, може да помогнат во намалувањето на високиот крвен притисок кај децата, но во некои случаи, лековите се единственото решение. Затоа, лекувањето на висок крвен притисок кај децата не се разликува многу од лекувањето на висок крвен притисок кај возрасните.
Иако покачениот крвен притисок кај децата обично не предизвикува симптоми, постојат одредени показатели кои може да укажат дека настанала таканаречена хипертензивна криза, инаку екстремно опасна по живот состојба.
Знаците вклучуваат главоболки, напади, повраќање, болка во градите, забрзано чукање на срцето и отежнато дишење, а секоја од овие состојби бара итна медицинска интервенција.
Кога да се оди на лекар?
Крвниот притисок на вашето дете треба да се проверува за време на рутински прегледи почнувајќи од 3-годишна возраст и на секој следен преглед доколку се открие дека детето има висок крвен притисок, пишуваат од клиниката „Мајо“.
Исто така, ако детето има состојби кои може да го зголемат ризикот од висок крвен притисок, вклучително и предвремено породување, ниска родилна тежина, вродени срцеви заболувања и одредени бубрежни проблеми, следењето на крвниот притисок може да започне веднаш по раѓањето.
